ముంబై: బ్యాంక్ ఆఫ్ బరోడా మొబైల్యాప్BOB వరల్డ్పై ఆర్బీఐ ఆంక్షలు పెట్టింది. కొత్తగా కస్టమర్లను చేర్చుకోవద్దని ఆర్బీఐ ఆదేశించింది. ఈ ఆదేశం వెంటనే అమలులోకి వచ్చిందని, సూపర్వైజరీ కారణాల దృష్ట్యా ఈ నిర్ణయం తీసుకున్నామని ఆర్బీఐ ప్రకటించింది. బాబ్ వరల్డ్ మొబైల్ యాప్లో కస్టమర్లను చేర్చుకునే విధానం (ఆన్బోర్డింగ్)లో కొన్ని సమస్యలున్నట్లు గుర్తించామని వివరించింది. ఈ లోపాలను సరిదిద్దిన తర్వాతే కొత్త కస్టమర్ల చేరికను అనుమతిస్తామని వెల్లడించింది. ఇప్పటికే కస్టమర్లుగా కొనసాగుతున్న వారికి ఈ ఆదేశాల వల్ల ఎలాంటి ఇబ్బందులూ ఉండవని ఆర్బీఐ స్పష్టం చేసింది.
