- అత్త, బావమరిది భార్య కన్నుమూత
- బావమరిది, భార్య, కూతురికి సీరియస్
మీర్పేట్ వెలుగు: భార్యతో గొడవతో ఓ భర్త తన భార్య, కూతురు, అత్త, బావమరిదిపై కత్తితో దాడి చేశాడు. ఈ ఘటనలో అత్త , భార్య కన్నుమూయగా బావమరిది, భార్య, కూతురు ప్రాణాలతో పోరాడుతున్నాడు. హైదరాబాద్పరిధిలోని మీర్పేట్పోలీసుల కథనం ప్రకారం..షరీఫ్ నగర్‌‌‌‌కు చెందిన షేక్ మహమ్మద్ సిద్ధిఖీ, అతడి భార్య నూర్ బేగం మధ్య కొద్ది రోజులుగా గొడవలు జరుగుతున్నాయి. తన భర్త వేరొకరితో వివాహేతర సంబంధం పెట్టుకున్నాడని ఆమె గొడవ పడుతోంది. ఈ విషయాన్ని తన తల్లిదండ్రులకు చెప్పింది. దీంతో భర్త ఆమెపై కక్ష పెంచుకున్నాడు. అతడు ఏమైనా చేస్తాడేమోననే అనుమానంతో బుధవారం మధ్యాహ్నం మీర్పేట్పీఎస్కు తన కూతురితో కలిసి వెళ్లి తన భర్తపై ఫిర్యాదు చేసింది.
అక్కడి నుంచి మీర్‌‌‌‌పేట్‌‌‌‌లోని సాయి విహార్ కాలనీలోని పుట్టింటికి వెళ్లిపోయింది. విషయం తెలుసుకున్న సిద్ధిఖీ సాయంత్రం 4 గంటల వేళ అత్తింటికి చేరుకొన్నాడు. అక్కడ ఈ విషయమై అత్త షేక్ నిరంజన్ బీ (50), బావమరిది యూసుఫ్, అతడి భార్య రేష్మ (38), తన భార్య నూర్బేగంతో గొడవకు దిగాడు. మాట మాట పెరగడంతో కోపోద్రిక్తుడైన మహమ్మద్ సిద్ధిఖి వెంట తెచ్చుకున్న కత్తితో బావమరిది భార్య రేష్మాబేగంపై అటాక్చేశాడు. తర్వాత అత్త షేక్ నిరంజన్ బీ, బావమరిది యూసుఫ్ లపై కూడా దాడికి తెగబడ్డాడు. అడ్డువచ్చిన భార్య, కూతురిని కూడా వదల్లేదు. ఆమె రక్తమోడుతూ మొదటి అంతస్థుకు పరిగెత్తడంతో ప్రాణాలతో బయటపడింది. ఈ ఘటనలో తీవ్రంగా గాయపడిన నిరంజన్ బీ, రేష్మ చనిపోగా, యూసుఫ్, అతడి భార్య నూర్బేగం, కూతురు తీవ్రంగా గాయపడ్డాడు. దాడి చేసిన అనంతరం మహ్మద్ సిద్దిఖి అక్కడి నుంచి పరారయ్యాడు. శంషాబాద్ డీసీపీ రాజేశ్, ఆదిభట్ల డివిజన్ ఏసీపీ ప్రదీప్ కుమార్ రెడ్డి , మీర్ పేట్ సీఐ శోభన్ క్లూస్ టీంతో ఘటనాస్థలానికి చేరుకుని పరిస్థితిని సమీక్షించారు. నిందితుడి కోసం ప్రత్యేక బృందాలను ఏర్పాటు చేసి వెతుకుతున్నారు.
ముందే స్పందించి ఉంటే..
కాగా, తన భర్త దాడికి తెగబడతాడేమోనని సిద్ధిఖీ భార్య బుధవారం మధ్యాహ్నమే మీర్పేట్పీఎస్కు వెళ్లి ఫిర్యాదు చేసింది. అయినా, చర్యలు తీసుకోకపోవడంతోనే రెండు ప్రాణాలు పోయాయని బాధిత బంధువులు ఆరోపిస్తున్నారు. స్పందించని పోలీసులపైనా చర్యలు తీసుకోవాలని డిమాండ్చేస్తున్నారు.
