గ్రేటర్ హైదరాబాద్ పరిధిలో గురువారం (అక్టోబర్ 5వ తేదీన) నాలుగో విడుతలో డబుల్ బెడ్రూమ్ ఇండ్లను పంపిణీ చేయనున్నారు. నాలుగో విడతలో 17 వేల 864 డబుల్ బెడ్రూమ్ ఇండ్లను పంపిణీ చేయనున్నారు. మొదటి విడతలో 11 వేల 700, రెండో విడతలో 13 వేల 200, మూడో విడతలో 19 వేల 20 డబుల్ బెడ్రూమ్ ఇండ్లను పంపిణీ చేశారు.
మూడు విడతల్లో 44 వేల ఇండ్లను పంపిణీ చేసింది రాష్ట్ర ప్రభుత్వం. గడిచిన మూడు విడతల్లో మైనారిటీల రిజర్వేషన్ అంశం పరిగణలోకి తీసుకోకుండా డబుల్ బెడ్రూమ్ ఇండ్లను పంపిణీ చేశారు. గురువారం (అక్టోబర్ 5న) రోజు ప్రభుత్వ GO 10,12 రూల్స్ కు లోబడి ఇండ్ల పంపిణీ జరుగుతుందా..? లేదా అనే ఆసక్తి నెలకొంది. గురువారం ఏడు చోట్ల మంత్రులు, జీహెచ్ఎంసీ డిప్యూటీ మేయర్.. అధికారులతో కలిసి లబ్ధిదారులకు డబుల్ బెడ్రూమ్ ఇండ్లను పంపిణీ చేయనున్నారు.