- హర్షం వ్యక్తం చేసిన సరోజ వివేక్
ముషీరాబాద్, వెలుగు: బాగ్ లింగంపల్లిలోని డాక్టర్ బి.ఆర్.అంబేద్కర్ లా కళాశాల న్యాక్ బీ ప్లస్ ప్లస్ గ్రేడ్ సాధించింది. రెండు తెలుగు రాష్ట్రాల్లో న్యాక్ గ్రేడ్ సాధించిన ఏకైక కాలేజీగా నిలిచింది. గడ్డం వెంకటస్వామి(కాకా) స్థాపించిన ఈ విద్యాసంస్థ బడుగు, బలహీన వర్గాలకు అండగా ఉంటూ, విలువలతో కూడిన విద్యతో ముందుకెళ్తున్న క్రమంలో న్యాక్ గ్రేడ్ రావడం సంతోషకరమని కరస్పాండెంట్ డాక్టర్ జి.సరోజా వివేక్ అన్నారు.
విద్య అందరికీ దక్కాలనే లక్ష్యంతో కాక ఈ విద్యాసంస్థలను స్థాపించారని గుర్తు చేశారు. ఇండియా టుడే సర్వేలో టాప్ 10లో అత్యున్నత కళాశాలగా డాక్టర్ బి.ఆర్ అంబేద్కర్ కాలేజీ ఐదో స్థానం దక్కించుకోవడం ఆనందంగా ఉందన్నారు. అనంతరం కాలేజీ మేనేజ్మెంట్, బోధన, బోధనేతర సిబ్బంది, విద్యార్థులు కేక్ కట్ చేసి సంబురాలు
జరుపుకున్నారు.
