న్యూఢిల్లీ: ఫార్మా కంపెనీ డాక్టర్ రెడ్డీస్ లాబొరేటరీస్ టైప్-2 డయాబెటిస్ చికిత్సలో ఉపయోగించే సెమాగ్లుటైడ్ ఇంజెక్షన్ జెనరిక్ వెర్షన్ను కెనడాలో శనివారం లాంచ్ చేసింది. హెల్త్ కెనడా నుంచి ఈ ఏడాది ఏప్రిల్ 28న అనుమతి పొందిన తర్వాత, ఈ జెనరిక్ ఇంజెక్షన్ను ప్రవేశపెట్టింది.
సెమాగ్లుటైడ్కు మార్కెట్ అనుమతి ఇచ్చిన మొదటి జీ-7 దేశం కెనడా కావడం విశేషం. టైప్-2 డయాబెటిస్ ఉన్న పెద్దవారి రక్తంలో చక్కెర స్థాయిలను ఈ ఇంజెక్షన్ నియంత్రిస్తుంది. దీనిని వారం వారం వేసుకోవాల్సి ఉంటుంది.
డాక్టర్ రెడ్డీస్ ఇటీవల భారతదేశంలో ఒబెడ బ్రాండ్ పేరుతో ఈ మందును లాంచ్ చేసింది. భవిష్యత్తులో గ్లోబల్ మార్కెట్లలో జీఎల్పీ1 థెరపీలను విస్తరించడమే లక్ష్యమని సంస్థ సీఈఓ ఎరెజ్ ఇజ్రాయేలీ తెలిపారు.
