ముంబై పోలీస్ కంట్రోల్ రూమ్‌కు నవంబర్ 26న వచ్చిన ఫోన్ కాల్ తో పోలీసులు అలర్ట్ అయ్యారు. ఈ కాల్ లో కొంతమంది ఉగ్రవాదులు ముంబైలోకి ప్రవేశించారని కాలర్ చెప్పడంతో వెంటనే అప్రమత్తమయ్యారు. అనంతరం కాల్‌కు సంబంధించి పోలీసులు దర్యాప్తు ప్రారంభించారు. ముంబై పోలీసుల విచారణ అనంతరం కాల్ చేసిన వ్యక్తి మద్యం మత్తులో ఉన్నట్లు గుర్తించారు.
పలు నివేదికల ప్రకారం, ఇద్దరు, ముగ్గురు ఉగ్రవాదులు ముంబైలోకి ప్రవేశించి మన్‌ఖుర్డ్‌లోని ఏక్తా నగర్‌కు చేరుకున్నారని కాలర్ చెప్పాడు. ఉగ్రవాదులు ఏదో ప్లాన్‌ చేస్తున్నారని ఫేక్ కాల్ చేసిన వ్యక్తి పోలీసులకు సమాచారం అందించాడు. 26/11 ముంబై ఉగ్రదాడుల 15వ వార్షికోత్సవం సందర్భంగా ఈ ఘటన వెలుగులోకి వచ్చింది. కాల్ చేసిన వ్యక్తి అందించిన సమాచారం సరికాదని, కాల్ బూటకమని ముంబై పోలీసులు గుర్తించారు. మద్యం మత్తులో ఆ వ్యక్తి కాల్ చేసినట్లు సమాచారం. అనంతరం తప్పుడు సమాచారం అందించిన నిందితుడు లక్ష్మణ్ నానావరేను పోలీసులు అరెస్టు చేశారు.
ప్రస్తుతం నిందితుడు లక్ష్మణ్ నానావరే పోలీసుల అదుపులో ఉన్నాడు. ఈ విషయంపై నిందితులపై కేసు నమోదు చేసి దర్యాప్తు ప్రారంభించారు. నివేదికల ప్రకారం ముంబై పోలీసులు నిందితులపై ఐపీసీ సెక్షన్ 182, 505 (1) (బి) కింద కేసు నమోదు చేశారు.
Mumbai Police Control Room received a phone call yesterday in which the caller claimed that terrorists had entered Mumbai. The information was found to be incorrect and the caller was found to be under the influence of alcohol. The accused, identified as Laxman Nanavare, has been…
— ANI (@ANI) November 27, 2023
