సమ్మక్క సారలమ్మల జాతర సందర్భంగా మేడారంకు భక్తుల రద్దీ పెరిగింది. జాతర ప్రారంభమయ్యాకా మరింత రద్దీ పెరిగే అవకాశాలున్నాయి. దీంతో అధికారులు తగిన ఏర్పాట్లు చేస్తున్నారు. మేడారంలో సమ్మక్క సారలమ్మలకు భక్తులు కానుకలు సమర్పించేందుకు e-హుండీలను ఏర్పాటు చేశారు. దీంతో భక్తులు ఎక్కడి నుంచైనా కానుకలు చెల్లించేందుకు అవకాశం ఉంది. కానుకలు చెల్లించకునేందుకు QR కోడ్ అందుబాటులోకి తీసుకొచ్చారు. ఈ QR కోడ్ అందరికి తెలిసేలా జంపన్న వాగు, మేడారం గద్దెలు, ప్రభుత్వ కార్యాలయాల దగ్గర QR కోడ్ లను ఏర్పాటు చేసారు. e-హుండీతో పాటు మేడారం సమ్మక్క సారలమ్మల దగ్గర కూడా హుండీలను ఏర్పాటు చేయనున్నట్లు మేడారం దేవదాయ శాఖ ఈఓ రాజేంద్రం చెప్పారు.
మరిన్ని వార్తల కోసం..
