- చికిత్స పొందుతూ మృతి
- ఎర్రగడ్డ కల్పతరు అపార్ట్మెంట్లో ఘటన
జూబ్లీహిల్స్, వెలుగు: ఆమె ఒక బీటెక్స్టూడెంట్..పేరెంట్స్తో కలిసి పదో అంతస్థులోని ఫ్లాట్లో ఉంటోంది. రోజూ బాత్రూమ్లోని స్లైడర్గ్లాస్విండోను పక్కకు జరిపి రెండు వైపులా కాళ్లను బయటకు పెట్టుకుని.. సిటీ వ్యూ చూస్తూ చిప్స్తినే అలవాటు ఆమెకు ఉంది.
ఈ అలవాటే ఆమె ప్రాణాలు తీసింది. తల్లిదండ్రులకు తీరని శోకాన్ని మిగిల్చింది. ఎర్రగడ్డలోని కల్పతరు రెసిడెన్షియల్ అపార్ట్మెంట్10వ అంతస్తులో కిషోర్, ఆయన భార్య, ఇద్దరు బిడ్డలతో కలిసి ఉంటున్నాడు.
పెద్ద కూతురు దీపిక చౌదరి (18) బౌరంపేటలోని కేఎల్ యూనివర్సిటీలో బీటెక్ ఫస్టియర్చదువుతోంది. గురువారం సాయంత్రం బాత్రూమ్కు వెళ్లిన దీపిక స్లైడర్గ్లాస్విండో నుంచి ప్రమాదవశాత్తు కింద పడింది.
తీవ్రంగా గాయపడిన గుర్తించిన స్థానికులు సమీపంలోని ప్రైవేట్దవాఖానకు తరలించారు. తలకు బలమైన దెబ్బ తగలడంతో చికిత్స పొందుతూ చనిపోయింది. దీపికకు బాత్రూంలోని స్లైడర్ గ్లాస్ విండోను పక్కకు జరిపి రెండువైపులా కాళ్లు పెట్టి చిప్స్ తినే అలవాటుందని, గురువారం సాయంత్రం అలా తినే సమయంలోనే ప్రమాదవశాత్తు కింద పడిందని కుటుంబసభ్యులు పోలీసులకు తెలిపారు. దీపిక మృతదేహాన్ని స్వస్థలమైన తాడేపల్లిగూడెం తరలించారు. ప్రమాదమని తెలిసినా, తమ కూతురు కేసు నమోదు చేసుకున్న సనత్ నగర్ పోలీసులు దర్యాప్తు చేస్తున్నారు.
