వృద్ధాప్యంలో మన జీవన శైలి ఆరోగ్యంపై తప్పక ప్రభావం చూపుతుంది. లైఫ్లో తిండి, నిద్ర, వ్యాయామం ప్రధాన పాత్ర పోషిస్తాయి. వృద్ధాప్యాన్ని దాచి యంగ్గా కనిపించేందుకు ఈ పది అలవాట్లకు దూరంగా ఉండాలంటున్నారు నిపుణులు.
1. డైట్ సోడా: చాలా డైట్ సోడాలు కృత్రిమ స్వీట్లను కలిగి ఉంటాయి. ఇవి జీవక్రియకు అంతరాయం కల్పిస్తాయి. దీంతో బరువు పెరుగుతారు.
2.కృత్రిమ స్వీటెనర్లు: అన్ని రకాల కృత్రిమ స్వీటెనర్లు ఆరోగ్యంపై ప్రతికూల ప్రభావం చూపుతాయి. ఇవి శరీరంలో చక్కెర శాతాన్ని పెంచి షుగర్ వ్యాధి, హర్ట్ డిసిసెస్ వచ్చేలా చేస్తాయి.
3. ప్లాస్టిక్ కంటెనర్లు: ప్లాస్టిక్ హానికర రసాయనాలను ఆహారంలోకి పంపుతుంది. ఇవి శరీరానికి హానీ కలగజేస్తాయి.
4. నిద్రపోయే ముందు ఫోన్ వాడకం: నిద్ర పోయే ముందు ఫోన్ వాడటం కూడా చాలా ప్రమాదమే. ఇది శరీరంపై ప్రభావం చూపుతుంది. ఫోన్ విడుదల చేసే బ్లూలైట్ నిద్రలేమికి కారణమవుతుంది. కాబట్టి శరీరానికి నిద్ర చాలా ముఖ్యం.
5.వ్యాయమాన్ని దాటవేయడం: వ్యాయామాన్ని దాటవేసే అలవాటు యవ్వనాన్ని తగ్గిస్తుంది. బీపీ, అధిక కొలెస్ట్రాల్, గుండె జబ్బులు వచ్చే ప్రమాదం ఉంది.
6. తక్కువ ప్రొటీన్ ఉన్న ఆహారం: తక్కువ ప్రొటీన్ ఉన్న ఆహారాన్ని తీసుకోవడం వల్ల శరీరానికి పోషకాలు అందవు.
7. అధికంగా ప్రాసెస్ చేసిన ఫుడ్స్: అధికంగా ప్రాసెస్ చేసిన ఉప్పుతో కూడిన స్నాక్స్, అనారోగ్య కొవ్వులు, అధిక సోడియం, ప్రిజర్వేటివ్లతో నిండి ఉంటాయి. ఇవి హర్మోన్లు, ఆరోగ్యానికి హాని చేస్తాయి.
8. బ్యాలెంసింగ్ సప్లిమెంట్లు తీసుకోకపోవడం: మనం తినే ఆహారంలో అన్ని పోషకాలు, విటమిన్లు ఉండవు కాబట్టి పోషకాహార నిపుణుడు సూచించిన సప్లిమెంట్లు తీసుకోవాలి. ఇవి పోషకాలను బ్యాలెన్స్ చేస్తాయి. ఆరోగ్యాన్ని కాపాడతాయి.
9. ఏకధాటిగా కూర్చోవడం: ఏకధాటిగా గంటకు పైగా కూర్చుంటే కండరాలు బిగుసుకుపోతాయి. రక్తప్రసరణ సరిగ్గా జరగక దీర్ఘకాలిక వ్యాధులు వచ్చే ప్రమాదం ఉంది.
10. ఎక్కువ కెఫిన్: అధిక కెఫిన్ తీసుకోవడం వల్ల నిద్రకు ఇబ్బంది తప్పదు. డీహైడ్రేషన్ తదితర సమస్యలూ వచ్చే అవకాశం ఉంది.
సో.. వీటన్నింటికి దూరంగా ఉంటే ఆరోగ్యం మీ వెంటే అంటున్నారు నిపుణులు.
