జూబ్లీహిల్స్, వెలుగు: ప్రముఖ నటుడు చిరంజీవిపై తప్పుడు సమాచారంతో మార్ఫింగ్ వీడియోలు చేసి ప్రచారం చేశారనే ఆరోపణలతో ఓ యూట్యూబ్ చానల్పై జూబ్లీహిల్స్ పోలీసులు కేసు నమోదు చేశారు. moviemystery-u7z అనే యూట్యూబ్ చానల్లో ఎలాంటి ఆధారాలు లేకుండానే చిరంజీవి తీవ్ర అనారోగ్యంతో బాధపడుతున్నారని, బట్టతలతో ఉన్నారని, బరువు తగ్గారని చూపిస్తూ మార్ఫింగ్ వీడియోలను అప్లోడ్ చేశారు.
ఈ వీడియోల ద్వారా ప్రజలను తప్పుదోవ పట్టించడంతో పాటు, నటుడి ప్రతిష్టకు భంగం కలిగించేలా అభిమానుల్లో ఆందోళన సృష్టించారని న్యాయవాది రామకృష్ణ పోలీసులకు ఫిర్యాదు చేశారు.
ఇందుకు సంబంధించిన వీడియోల స్క్రీన్షాట్లను ఆధారాలుగా అందజేసి, సదరు యూట్యూబ్ చానల్ వెనుక ఉన్న వ్యక్తులను గుర్తించి చట్టపరమైన చర్యలు తీసుకోవాలని కోరారు. న్యాయవాది ఫిర్యాదు మేరకు కేసు నమోదు చేసుకున్న జూబ్లీహిల్స్ పోలీసులు దర్యాప్తు ప్రారంభించారు.
