- మెడకు టవల్బిగించి మర్డర్అడ్డుకోబోయిన కూతురు
- గదిలో పెట్టి తాళం వేసి హత్య
- మేడిపల్లి పీఎస్ పరిధిలో ఘటన
మేడిపల్లి, వెలుగు: మద్యానికి బానిసై రోజూ కొడుతున్న భర్తను తన కొడుకుతో కలిసి కడతేర్చిందో భార్య. మరొకరి సాయంతో మెడకు టవల్ బిగించి ఊపిరాడకుండా చేసి హతమార్చారు. స్థానికులు, మేడిపల్లి పోలీసుల కథనం ప్రకారం.. బోడుప్పల్ దేవేందర్నగర్కు చెందిన బండారు అంజయ్య(55) ప్రైవేట్ స్కూల్బస్డ్రైవర్‌. ఇతడికి భార్య బూగమ్మ, ముగ్గురు కొడుకులు, మరో బిడ్డ ఉన్నారు. మద్యానికి బానిసైన అంజయ్య రోజూ తాగొచ్చి భార్యను కొట్టడంతో పాటు పిల్లలతో గొడవ పడేవాడు.
దీంతో అతడిని చంపాలని ప్లాన్వేశారు. గురువారం రాత్రి భార్య బూగమ్మ, కొడుకు రాజు, బంధువు శేఖర్‌‌తో కలిసి అంజయ్య మందు తాగాడు. మరో ఇద్దరు కొడుకులు ఇంట్లో లేరు. అర్ధరాత్రి పడుకున్న తర్వాత భార్య, కొడుకు, బంధువు కలిసి అంజయ్య మెడకు టవల్ బిగించి పట్టి ఊపిరాడకుండా చేసి హత్య చేశారు.
దీన్ని చూసిన బిడ్డ అడ్డుకోవడానికి ప్రయత్నించగా ఆమెను గదిలో పెట్టి తాళం వేశారు. తెల్లవారిన తర్వాత జరిగిన విషయాన్ని ఆమె పొరుగువారికి చెప్పడంతో విషయం వెలుగులోకి వచ్చింది. పోలీసులకు ఫిర్యాదు చేయగా కేసు నమోదు చేసి దర్యాప్తు చేస్తున్నారు.
