శాంటోస్ (బ్రెజిల్): సాకర్ లెజెండ్ పీలే కడచూపు కోసం ఫ్యాన్స్, ప్రముఖులు పోటెత్తారు. సోమవారం పీలే భౌతిక కాయాన్ని ప్రజల సందర్శనార్థం శాంటోస్లోని ‘విలా బెల్మెరో స్టేడియం’ మిడ్ ఫీల్డ్లో ఉంచారు. 24 గంటల పాటు పబ్లిక్ చూసేందుకు అనుమతించారు. దాంతో పీలేను చివరి సారి చూసేందుకు ఉదయంనుంచే బారులు తీరారు. ఫిఫా ప్రెసిడెంట్ గియాని ఇన్ఫాంటినో, బ్రెజిలియన్ సుప్రీంకోర్టు న్యాయమూర్తి గిల్మార్ మెండిస్ కూడా పీలేకు నివాళి అర్పించారు.
మంగళవారం పీలే కాఫిన్ (శవ పేటిక)ను శాంటోస్ వీధుల గుండా ఊరేగించనున్నారు. పీలే తల్లి సెలెస్టీ ఇంటి ముందు నుంచి ఈ యాత్ర సాగనుంది. బ్రెజిల్ అధ్యక్షుడు లూయిజ్ ఇనాసియో లులా డా సిల్వా, ప్రముఖులు ఈ కార్యక్రమానికి హాజరుకానున్నారు. స్థానికటైమ్ ప్రకారం ఉదయం 10 గంటలకు ‘మెమోరియల్ నెక్రోపోల్ ఎక్కుమెనికా’లో పీలే భౌతిక కాయాన్ని ఖననం చేయనున్నారు.