వికారాబాద్, వెలుగు: ధాన్యం కొనుగోలు కేంద్రాల్లో రైతులకు ఎలాంటి ఇబ్బందులు రాకుండా మౌలిక సదుపాయాలు కల్పించాలని వికారాబాద్ అడిషనల్ కలెక్టర్ లింగ్యానాయక్ అధికారులకు సూచించారు. బుధవారం కలెక్టరేట్లో ఆయన మాట్లాడారు.
కరెంటు, నీటి వసతి, కుర్చీలు, టెంట్ ఏర్పూఆటు చేయాలన్నారు. కేంద్రం పేరు, మద్దతు ధర, టోల్ ఫ్రీ నంబర్ తో కూడిన ఫ్లెక్సీలు ఏర్పాటు చేయాలన్నారు. సన్న, దొడ్డు ధాన్యానికి వేర్వేరుగా కౌంటర్లు ఉండాలన్నారు. ఏ గ్రేడ్ కు రూ.2,389, సాధారణ రకానికి రూ.2,369 మద్దతు ధర నిర్ణయించినట్లు తెలిపారు. కార్యక్రమంలో డీసీఎస్వో సుదర్శన్, డీఎంసీఎస్ మోహన్ కృష్ణ, డీఏవో రాజారత్నం పాల్గొన్నారు.
