- లారీలు వస్తలేవు.. వడ్లు కొంటలేరు
- రాజన్న సిరిసిల్లలో రైతుల రాస్తారోకో
- దుబ్బాకలో పలు రోడ్ల దిగ్బంధం
రాజన్నసిరిసిల్ల/దుబ్బాక, వెలుగు: వడ్లు కొనడం లేదని, తూకం వేసిన తర్వాత కూడా వారానికి పైగా కొనుగోలు కేంద్రాల్లోనే ఉండాల్సి వస్తోందంటూ రైతులు ఆందోళనకు దిగారు. రాజన్న సిరిసిల్ల జిల్లా కేంద్రంలో సర్దాపూర్రైతులు సిరిసిల్ల, కామారెడ్డి మెయిన్రోడ్డుపై వడ్ల బస్తాలు వేసి రాస్తారోకో చేశారు. లారీలు రాక పది రోజులు దాటిందని ఆగ్రహం వ్యక్తం చేశారు. సిరిసిల్ల పట్టణ సీఐ అనిల్కుమార్రైతులతో మాట్లాడి ఆందోళన విరమింపజేశారు. అప్పడికప్పుడు వడ్లు తరలించేందుకు అధికారులు చర్యలు తీసుకున్నారు. వడ్లు కొనుగోలు చేయాలంటూ వీర్నపల్లి మండలంలో రైతులుఆందోళన నిర్వహించారు. క్వింటాలుకు రెండున్నర నుంచి మూడు కిలోలు కట్చేస్తున్నారని చెప్పారు. సిరిసిల్ల ఏఎంసీ వే బ్రిడ్జి తూకంలో లారీ లోడులో 20 క్వింటాళ్లకు పైగా తేడా రావడంతో రైతులు ఆదోళన చేపట్టారు. దీంతో అధికారులు వే బ్రిడ్జిని మూసివేశారు.
కొనకుంటే సీఎం ఫామ్హౌజ్లో పోస్తం
కొనుగోలు కేంద్రాల్లో వడ్లు కొనడం లేదంటూ దుబ్బాక నియోజకవర్గంలో పలు రహదారులను దిగ్బంధం చేశారు. దౌల్తాబాద్ మండలం సూరంపల్లి రైతులు సిద్దిపేట–-దౌల్తాబాద్ రహదారిపై బైఠాయించారు. దుబ్బాక మండలం పోతారెడ్డిపేట గ్రామ రైతులు ఉదయం ఏడు గంటల నుంచి 10 గంటల వరకు మెదక్– -సిద్దిపేట రహదారిపై రాస్తారోకో చేసి నిరసన తెలిపారు. పోతారెడ్డిపేట రైతులకు మద్దతుగా ఎమ్మెల్యే రఘునందన్రావు రోడ్డుపై బైఠాయించారు. నాలుగు కిలోమీటర్ల మేర ట్రాఫిక్స్తంభించింది. సివిల్ సప్లై జిల్లా అధికారి హరీశ్వచ్చి ఈ రోజు నుంచి ధాన్యానికి సరిపడా లారీలను పంపించి కొనుగోలు చేస్తామని హామీ ఇవ్వడంతో రాస్తారోకో విరమించారు. అనంతరం రఘునందన్రావు మాట్లాడుతూ కొనుగోలు కేంద్రాల్లో రైతులు ఆరబోసిన వడ్లను జూన్ 10లోగా కొనుగోలు చేయకుంటే సీఎం ఫామ్ హౌజ్లో పోస్తామని హెచ్చరించారు. పట్టణ ప్రగతి, పల్లె ప్రగతిపై రివ్యూలు కాకుండా అధికారులను పిలిపించి కొనుగోళ్లపై రివ్యూలు పెట్టాలని సీఎంకు సూచించారు.
