బాలీవుడ్ స్టార్ బ్యూటీ సోనాక్షి సిన్హా (Sonakshi Sinha) పెళ్లి విషయం ప్రస్తుతం సోషల్ మీడియాలో వైరల్ అవుతున్న విషయం తెలిసిందే. ఆమె కొంత కాలంగా నటుడు జహీర్ ఇక్బాల్‌తో రిలేషన్ లో ఉందని, త్వరలోనే ఈ జంట పెళ్లిచేసుకోబోతున్నారనే వార్తలు బె టౌన్ లో చక్కర్లు కొడుతున్నాయి. తాజాగా ఇదే విషయంపై సోనాక్షి సిన్హా తండ్రి నటుడు శతృఘ్నసిన్హా (Shatrughan Sinha) స్పందించారు. తన కూతురు పెళ్లి విషయం తనకే తెలియదంటూ షాకింగ్ కామెంట్స్ చేశారు.
ఈ విషయం గురించి ఆయన మాట్లాడుతూ.. నా కూతురు సోనాక్షి పెళ్లి చేసుకోనుందని వార్తలు వైరల్ అవుతున్నాయి. కానీ, నాకు మాత్రం ఆ పెళ్లి గురించి ఎలాంటి సమాచారం లేదు. సోనాక్షి ఇప్పటివరకు తన పెళ్లిలా గురించి నా దగ్గర ప్రస్తావించలేదు. ఒకవేళ నా కూతురి వివాహం నిజంగా జరిగితే.. బారాత్‌ ముందు డాన్స్‌ చేయడానికి సిద్ధంగా ఉన్నాను. అయినా.. ఈ రోజుల్లో పిల్లలు తమ పర్సనల్ విషయాల్లో తల్లిదండ్రుల పర్మిషన్ తీసుకోవడంలేదు.. జస్ట్ అందరికి చెప్పినట్టుగానే వారికి చెప్తున్నారు అంతే. సోనాక్షి నిర్ణయంపై నాకు పూర్తి నమ్మకం ఉంది. అంటూ చెప్పుకొచ్చారు శతృఘ్నసిన్హా. ప్రస్తుతం ఆయన చేసిన ఈ కామెంట్స్ సోషల్ మీడియాలో వైరల్ అవుతున్నాయి.
