2024 సార్వత్రిక ఎన్నికలు సమీపిస్తున్న సమయంలో పొలిటికల్ హీట్ పీక్స్ కి చేరింది. ఎన్నికలకు మరో 5రోజులు సమయం మాత్రమే ఉన్న నేపథ్యంలో నేతల మధ్య మాటల యుద్ధం తారాస్థాయికి చేరింది. ఈ క్రమంలో పల్నాడు జిల్లాలో ఉద్రిక్తత చోటు చేసుకుంది. వెల్దుర్తి మండలం సిరిగెపాడులో వైసీపీ, టీడీపీ వర్గాల మధ్య ఘర్షణ ఉద్రిక్తతకు దారి తీసింది. ఎన్నికల ప్రచారం నిర్వహిస్తున్న వైసీపీ అభ్యర్థి రమా ఎన్నికల ప్రచారం నిర్వహిస్తుండగా టీడీపీ శ్రేణులు దాడికి పాల్పడ్డారు.
ఈ దాడిలో పిన్నెల్లి భార్య రమాకు గాయాలయ్యాయి. దాడిని ఆపబోయిన ఎస్సై శ్రీహరి తలకు గాయం అయ్యింది. ఈ దాడిలో రమాతో పాటు ప్రచారంలో పాల్గొన్న పలువురు మహిళలకు కూడా గాయాలయ్యాయి. దాడికి పాల్పడ్డ టీడీపీ శ్రేణులు ప్రచార వాహనాలను కూడా ధ్వంసం చేసినట్లు తెలుస్తోంది. ఈ ఘటనపై కేసు నమోదు చేసిన పోలీసులు దర్యాప్తు చేస్తున్నారు. ఎన్నికలకు మరో 5రోజులు మాత్రమే సమయం ఉన్న క్రమంలో జరిగిన ఈ దాడి రాష్ట్రవ్యాప్తంగా కలకలం రేపింది.
