తొలిసారిగా కేరళ రాష్ట్రంలోని ఎర్నాకులం ప్రభుత్వ ఆసుప‌త్రిలో తల్లి పాల బ్యాంకు ఏర్పాటైంది. ‘రోటరీ క్లబ్‌ ఆఫ్‌ కొచ్చి గ్లోబల్‌’ సహకారంతో నెలకొల్పిన ఈ బ్యాంకును ఆ రాష్ట్ర ఆరోగ్య శాఖ మంత్రి శైలజ ప్రారంభించారు. ఈ ఆసుప‌త్రిలో సేకరించిన పాలను అనారోగ్యంగా ఉన్న తల్లుల చిన్నారులకు, తల్లిని కోల్పోయిన శిశువులకు అందిస్తారు. రూ.35 లక్షల వ్యయంతో నెలకొల్పిన ఈ బ్యాంకులో పాశ్చరైజేషన్‌ యూనిట్, రిఫ్రిజిరేటర్స్, ఆర్‌ఓ ప్లాంట్, కంప్యూటర్లు, ఇతర పరికరాలు ఉన్నాయి. ఇక్కడ ఆరు నెలల పాటు పాలను నిల్వ ఉంచే అవకాశం ఉంది. ఇక్కడి ఆస్పత్రి ఐసీయూలో చేరిన శిశువులకు ఉచితంగానే పాలను అందించనున్నారు. త్వరలో అన్ని ఆస్పత్రులకు ఈ పాలు అందుబాటులో ఉంచేలా ప్రణాళికలు రూపొందిస్తున్నారు
