హనుమకొండ, వెలుగు: ఛత్తీస్ గఢ్ రాష్ట్రంలోని బీజాపూర్ నుంచి వరంగల్ కు వచ్చిన నలుగురు మావోయిస్టులు, వారికి సహకరించిన కాంగ్రెస్ నేతను పోలీసులు అరెస్ట్ చేశారు. వివిధ ఆరోగ్య సమస్యలతో బాధపడుతున్న నలుగురు మావోయిస్టులు బీజాపూర్ నుంచి భూపాలపట్నం బ్లాక్ కాంగ్రెస్ నాయకుడు కే.జీ.సత్యం సహాయంతో ఆదివారం ఉదయం వరంగల్ నగరానికి వచ్చారు.
నగరంలోని ప్రైవేటు హాస్పిటల్ కు వెళుతుండగా హనుమకొండ పోలీసులకు సమాచారం అందింది. వెహికల్ చెకింగ్ చేపట్టిన పోలీసులు కాంగ్రెస్ నేతతో పాటు నలుగురు మావోయిస్టులను అదుపులోకి తీసుకున్నారు. ఇందులో బస్తర్ ఏరియా మహిళా కమాండర్, మరో మహిళా సభ్యురాలు, ఇద్దరు దళసభ్యులు ఉన్నట్లు సమాచారం.
