న్యూఢిల్లీ: ఇప్పటికే ట్రైన్ సర్వీసులను ప్రారంభిస్తున్న కేంద్రం… ఈ నెల 17 తర్వాత విమాన సర్వీసులను కూడా ప్రారంభించేందుకు ప్లాన్ చేస్తున్నట్లు తెలుస్తోంది. ఈ నెల 17తో మూడో దశ లాక్ డౌన్ ముగియనున్న నేపథ్యంలో దశల వారీగా డొమెస్టిక్ ఫ్లైట్లను నడిపేందుకు సిద్ధమవుతోంది. బ్యూరో ఆఫ్సివిల్ ఏవియేషన్ సెక్యూరిటీ, డైరెక్టర్ జనరల్ ఆఫ్ సివిల్ ఏవియేషన్ అధికారులు సోమవారం ఎయిర్ పోర్టులను సందర్శించినట్లు తెలిసింది. మొదట 25 శాతం కమర్షియల్ ఫ్లైట్లను 2 గంటల కంటే ఎక్కువ దూరమున్న ప్రాంతాలకే నడపాలనే ప్రపోజల్ ఉన్నట్లు అధికార వర్గాలు పేర్కొన్నాయి. ఆరోగ్య సేతు యాప్ డౌన్ లోడ్ చేసుకోవడం తప్పనిసరి చేయనున్నట్లు తెలిపాయి.
