గద్వాల, వెలుగు: జోగులాంబ గద్వాల జిల్లాలోని జూరాల ప్రాజెక్టుకు ఎగువ నుంచి వరద కొనసాగుతోంది. 53 వేల క్యూసెక్కుల ఇన్ ఫ్లో ఉండగా, శుక్రవారం 3 గేట్లు ఎత్తి నీటిని దిగువకు విడుదల చేశారు. ప్రాజెక్టులో 318.516 మీటర్ల లెవెల్ లో నీటిని మెయింటెన్ చేస్తున్నారు. గేట్ల ద్వారా 12,231 క్యూసెక్కులు, విద్యుత్ ఉత్పత్తికి 36,187 క్యూసెక్కులు, నెట్టెంపాడు లిఫ్ట్ కు 1,500 క్యూసెక్కులు, బీమా లిఫ్ట్–-1కు 650 క్యూసెక్కులు, బీమా లిఫ్టు–-2కు 750 క్యూసెక్కులు, కోయిల్ సాగర్ లిఫ్ట్ కు 315 క్యూసెక్కులు, ప్యారలల్ కెనాల్ కు 800 క్యూసెక్కులు, లెఫ్ట్ కెనాల్ కు 730 క్యూసెక్కుల నీటిని విడుదల చేస్తున్నారు.
