హైదరాబాద్ సిటీ, వెలుగు: హిమాయత్ సాగర్ నుంచి ఔట్ఫ్లో తగ్గడంతో మూసీ నదిలో వరద తీవ్రత తగ్గింది. శుక్రవారం ఉదయం నాలుగు గేట్ల ద్వారా నీటిని విడుదల చేసిన జలమండలి అధికారులు.. సాయంత్రం 5 గంటలకు రెండు గేట్లను మూసేశారు. మిగిలిన రెండు గేట్లను 3 అడుగులు ఎత్తి 1,927 క్యూసెక్కుల నీటిని విడుదల చేస్తున్నారు.
అయితే, సాయంత్రం వరకు కొనసాగిన వరదతో ముసారాంబాగ్లోని దోభి ఘాట్లు, బ్రిడ్జి ఫెన్సింగ్ కొట్టుకుపోయాయి. వరదలో కొట్టుకొచ్చిన చెత్తను హైడ్రా, జీహెచ్ఎంసీ సిబ్బంది తొలగించింది. ముసానగర్, శంకర్ నగర్, ఛాదర్‌‌ఘాట్ కాలనీల బాధితులు పునరావాస కేంద్రాల్లోనే ఉండాలని సూచించారు.
