మయామి(అమెరికా): స్కూళ్లలో కాల్పుల సంఘటనలను అడ్డుకునేందుకు ఫ్లోరిడా ఓ కొత్త చట్టాన్ని తీసుకొస్తోంది. టీచర్లు క్లాస్రూంలలోకి తుపాకీ తీసుకెళ్లేందుకు ఈ చట్టం అనుమతిస్తుంది. స్టూడెంట్లు ఎవరన్నా రివాల్వర్తీసుకొచ్చి కాల్పులకు తెగబడే ప్రయత్నం చేస్తే తమ దగ్గరున్న ఆయుధంతో టీచర్లు వారిని అడ్డుకోవడానికి, ఉన్మాదులు, సైకోల నుంచి స్టూడెంట్లను కాపాడడానికే ఈ నిర్ణయం తీసుకున్నట్లు ప్రభుత్వ ప్రతినిధి చెప్పారు. దీనికి ముందు టీచర్లకు ఆయుధాల వాడకంపై144 గంటల ట్రైనింగ్ఇవ్వాలని ఈ బిల్లులో ప్రతిపాదించారు. క్లాస్రూంలలో కాల్పుల ఘటనలు రోజురోజుకూ పెరిగిపోతుండడంతో టీచర్ల చేతికి ఆయుధాలు అందించాలనే డిమాండ్చాలా కాలంగా వినిపిస్తోంది. గతేడాది ఫిబ్రవరిలో పార్క్లాండ్హైస్కూళ్లో జరిగిన కాల్పుల ఘటనలో 17 మంది చనిపోవడంతో ఈ డిమాండ్మళ్లీ తెరపైకి వచ్చింది. దీంతో ప్రభుత్వం కొత్త బిల్లును సెనేట్లో ప్రవేశపెట్టింది. సెనేటర్ల ఆమోదం తర్వాత బుధవారం బిల్లును హౌస్ఆఫ్రిప్రజెంటేటివ్స్ముందుకు తీసుకొచ్చింది. ప్రస్తుతం ఈ బిల్లును రిపబ్లికన్గవర్నర్అనుమతి కోసం పంపించినట్లు పేర్కొంది. అయితే, కాల్పుల సంఘటనలను అడ్డుకోవడానికి ఇలా టీచర్లకు లైసెన్స్ఇవ్వడం కరెక్ట్కాదని కొంతమంది వాదిస్తున్నారు. చిన్న పిల్లలు, మానసిక రోగులకు ఆయుధాలు అందకుండా చేయడమే సరైన నిర్ణయమని చెబుతున్నారు. గవర్నర్ఈ బిల్లును ఆమోదిస్తే.. ఫ్లోరిడా స్కూలు టీచర్లు ఒక చేతిలో పుస్తకాలు, మరో చేతిలో రివాల్వర్తో క్లాస్రూంల్లోకి అడుగుపెడతారు.
