మయామి: ఓ కుక్కపిల్లను దారుణంగా హింసించి, చంపేసిన వ్యక్తికి కోర్టు పదేళ్ల జైలు శిక్ష వేసింది. నాలుగేండ్ల కిందట అమెరికాలోని ఫ్లోరిడాలో జరిగిన ఈ ఘటన అప్పట్లో సంచలనం సృష్టించింది. ఓలీ అనే కుక్క పిల్లను కొట్టి, కత్తితో పొడిచి చంపాడని బ్రెండన్ ఇవాన్స్ అనే వ్యక్తిని పోలీసులు అరెస్టు చేశారు. కత్తితో కుక్కపిల్లను యాభైసార్లు పొడిచాడని, కొన ఊపిరితో కొట్టుమిట్టాడుతున్న కుక్కను సూట్కేసులో కుక్కాడని పోలీసులు ఆరోపించారు. చుట్టుపక్కల వాళ్లు దానిని గుర్తించి, ఆస్పత్రికి తీసుకెళ్లగా.. రెండు రోజుల తర్వాత కుక్క చనిపోయిందని చెప్పారు. ఈ ఆరోపణలను బ్రెండన్ కొట్టిపారేశాడు. బ్రెండన్ ఇంట్లోని ఫ్రీజర్లో పిల్లి పాదాలు, తలలు కత్తిరించిన ఎలుకలు, బాత్రూంలో రక్తపు మరకలు, ఓవెన్‌‌లో రక్తం, జంతువుల వెంట్రుకలను గుర్తించినట్లు పోలీసులు చెప్పారు.
