పాకాల సందర్శనకు వెళితే.. అకారణంగా తమను బీట్ ఆఫీసర్ చితకబాదాడని వరంగల్ జిల్లాకు చెందిన యువకులు ఆరోపించారు. దుగ్గొండి మండలానికి చెందిన యువకులు పాకాలకు వెళ్లారు. అక్కడున్న వాచ్ టవర్ పైకి ఎక్కామన్నారు.కొందరు ఫొటోలు తీసుకుంటుండగా ఓ వ్యక్తి వచ్చి నీళ్ళ ట్యాంక్ ఎందుకు ధ్వంసం చేశారని నిలదీశారని.. తాము ఏమి చేయలేదని చెప్పినా వినిపించుకోలేదన్నారు..
అనంతరం బీట్ ఆఫీసర్ ఉదయ్ దగ్గరకు తీసుకెళ్లాడని తెలిపారు. అక్కడకు వెళ్లడమే ఆలస్యం..కర్రతో తమను ఆ ఆఫీసర్ కొట్టాడని వెల్లడించారు. కానిస్టేబుల్ ఈవెంట్స్ ఉన్నాయని.. కొట్టవద్దని చెప్పినా వినిపించుకోలేదని వాపోయారు. బైక్స్ తీసుకోవడంతో ఇంటికి వెళ్లలేకపోయామని.. ఇక్కడే ఓ రూంలో తమను పెట్టారన్నాడు. బైక్ లు సీజ్ చేసి రాత్రి యువకులను కొత్తగూడ ఫారెస్ట్ ఆఫీస్ కి తరలించి తెల్లవారుజామున యువకులను వదిలిపెట్టారు. ఏ తప్పూ చేయని తమను బీట్ ఆఫీసర్ చితకబాదాడని బాధితులు వాపోయారు.
