ఖమ్మం, వెలుగు: ఖమ్మం చరిత్రలో ఎప్పుడూ లేని విధంగా అరాచక పాలన సాగుతోందని మాజీ మంత్రి తుమ్మల నాగేశ్వరరావు ఆరోపించారు. కమ్మ జన సంఘం జిల్లా అధ్యక్షుడు, స్తంభాద్రి బ్యాంక్ చైర్మన్ ఎర్నేని రామారావు శనివారం తుమ్మల సమక్షంలో కాంగ్రెస్ లో చేరారు. అంతకుముందు నగరంలోని ప్రముఖులను కలిసి మద్దతు కోరారు.
ముస్లింల ఆత్మీయ సమ్మేళనంలో పాల్గొన్నారు. ఈ సందర్భంగా మాట్లాడుతూ అరాచక పాలన తప్పించేందుకు తనకు మద్దతివ్వాలని కోరారు. కార్యక్రమంలో డీసీసీ అధ్యక్షుడు దుర్గాప్రసాద్, బాలసాని లక్ష్మీనారాయణ, తుంబూరు దయాకర్ రెడ్డి, కార్పొరేటర్ మురళి, చావా నారాయణరావు, నరేందర్ తదితరులు పాల్గొన్నారు.
