- ప్రభుత్వ ఉద్యోగాలు సాధించిన నలుగురు సీఆర్టీలు
- ఓ గిరిజన మహిళకు ఏకంగా 3 కొలువులు
ఇచ్చోడ, వెలుగు : ఇచ్చోడలోని కేజీబీవీలో పనిచేస్తున్న సీఆర్టీలు సత్తా చాటారు. నలుగురు మహిళలు ప్రభుత్వ కొలువులు సాధించారు. ఓ ఆదివాసీ గిరిజన మహిళ ఏకంగా 3 ప్రభుత్వ ఉద్యోగాలు సాధించి ఎంతోమందికి స్ఫూర్తిగా నిలుస్తున్నారు. అదిలాబాద్లోని భుక్తాపూర్కు చెందిన సిడాం పద్మిని ఇచ్చోడలోని కేజీబీవీలో పీజీ సీఆర్టీ ఎకనామిక్స్ లెక్చరర్గా పనిచేస్తు న్నారు. ఇటీవల విడుదలైన టీజీటీ, పీజీటీ, జేఎల్ పోస్టులకు ఎంపికయ్యారు.
జేఎల్ ఎకనామిక్స్ లో జిల్లా టాపర్గా నిలవడం విశేషం. భర్త గంగారాం ప్రోత్సాహం, కొడుకు సాయి కిషోర్ సహకారం కూడా ఉందని ఆమె పేర్కొన్నారు. ఇదే పాఠశాలలో బోధిస్తున్న ప్రేమల రూప అనే సీఆర్టీ నర్సింగ్ ఆఫీసర్గా ఆదిలాబాద్ రిమ్స్లో జాబ్ సాధించగా.. మాధురి, మోహి జుబిన్ అనే సీఆర్టీలు కూడ టీజీటీ ఉద్యోగాలు సాధించారు. దీంతో కేజీబీవీ స్పెషల్ ఆఫీసర్ జి.మల్లిక శనివారం వారిని శాలువాలతో సన్మానించి అభినందించారు.
