బెల్లంపల్లి రూరల్, వెలుగు: పదేండ్లు అధికారంలో ఉన్న బీఆర్ఎస్, బీజేపీ పార్టీలు మోసపూరిత పాలన చేశారని బెల్లంపల్లి ఎమ్మెల్యే గడ్డం వినోద్ విమర్శించారు. మంగళవారం వేమనపల్లి మండల కేంద్రంతో పాటు గొర్లపల్లి కొత్త కాలనీ, నీల్వాయి గ్రామాల్లో పెద్దపల్లి కాంగ్రెస్ ఎంపీ అభ్యర్థి గడ్డం వంశీకృష్ణతో కలిసి ప్రచారం నిర్వహించారు. కేంద్రంలో కాంగ్రెస్ అధికారంలోకి వస్తే ఉపాధి కూలీలకు రూ.400 చెల్లిస్తుందని తెలిపారు. అసెంబ్లీ ఎన్నికల్లో ప్రజలకు ఇచ్చిన హామీ మేరకు సీఎం రేవంత్రెడ్డి చిత్తశుద్ధితో ఆరు గ్యారంటీలను అమలు చేస్తున్నారని అన్నారు. ఇందిరమ్మ రాజ్యం రావాలంటే చేయి గుర్తుకు ఓటేసి గడ్డం వంశీకృష్ణను భారీ మెజార్టీతో గెలిపించాలని కోరారు. ఈ కార్యక్రమంలో ఎంపీటీసీ సంతోష్ కుమార్, మండల కాంగ్రెస్ అధ్యక్షుడు సాబీర్ఆలీ, మాజీ సర్పంచ్గాలి మధు తదితరులు పాల్గొన్నారు.
