నస్పూర్, వెలుగు: జిల్లాలోని సీసీఐకు పత్తి విక్రయించిన రైతులు తమ బ్యాంక్, ఇండియా పోస్ట్ బ్యాంక్ ఖాతాలకు ఆధార్ కార్డును అనుసంధానం చేసుకోవాలని మంచిర్యాల జిల్లా మార్కెటింగ్ అధికారి గజానంద్ ఒక ప్రకటనలో తెలిపారు. రైతులు తమ బ్యాంక్ ఖాతా ఆధార్తో అనుసంధానం చేసుకోకపోతే పత్తి అమ్మిన డబ్బులు అకౌంట్లో జమ కావన్నారు.
పత్తి అమ్మిన డబ్బులు అకౌంట్లో పడని రైతులు తక్షణమే సమీపంలోని పోస్టాఫీస్ లో సంప్రదించి తమ ఖాతాను సేవింగ్ ఖాతాగా మార్చుకొని, వ్యవసాయ మార్కెట్ కమిటీలో సంప్రదించాలని సూచించారు. ఇతర వివరాలకు ఆఫీస్ పని వేళల్లో చెన్నూర్ మార్కెట్ కమిటీ 7330733454, బెల్లం పల్లి మార్కెట్ కమిటీ 7330733462, లక్సెట్టిపేట మార్కెట్ కమిటీ 7330700446 నంబర్లలో సంప్రదించాలని తెలిపారు.
