హైదరాబాద్, వెలుగు: జర్మనీ అధికార పార్టీ సోషల్ డెమోక్రటిక్ పార్టీ (ఎస్ డీపీ) బృంద సభ్యులు శుక్రవారం రాష్ట్ర అసెంబ్లీని సందర్శించారు. ఈ సందర్భంగా వారికి స్పీకర్ గడ్డం ప్రసాద్ కుమార్ స్వాగతం పలికి సన్మానించారు. అసెంబ్లీని సందర్శించిన జర్మనీ ఎస్‌‌‌‌‌‌‌‌డీపీ బృందంలో ఆ పార్టీ సెక్రటరీ జనరల్ సబీనా ఫెండరీచ్, ఆసియా, పసిఫిక్ హెడ్ మైక్రో గుంథర్, ఇండియా డైరెక్టర్ క్రిస్టోఫ్ పి మోర్ ఉన్నారు.
ఈ బృందానికి స్పీకర్ గడ్డం ప్రసాద్ కుమార్ ఘనంగా స్వాగతం పలికారు. అనంతరం తెలంగాణ అసెంబ్లీ, కౌన్సిల్ ప్రత్యేకతలు, పనితీరు, ప్రజాస్వామ్యంలో వీటి పాత్ర, ప్రజా సమస్యల పరిష్కారంలో ఈ రెండు చట్ట సభల పాత్రను స్పీకర్ జర్మని బృందానికి వివరించారు. స్పీకర్ వెంట కాంగ్రెస్ ఎంపీ చామల కిరణ్ కుమార్ రెడ్డి, అసెంబ్లీ సెక్రటరీ నర్సింహా చార్యులు ఉన్నారు.
