హైదరాబాద్, వెలుగు: గ్రేటర్ పరిధిలో ప్రాపర్టీ ట్యాక్స్ కు సంబంధించిన సమస్యలను సర్కిల్ స్థాయిలోనే పరిష్కరించనున్నట్లు జీహెచ్ఎంసీ అధికారులు గురువారం ఒక ప్రకటనలో తెలిపారు. ఈ నెల 6 నుంచి మార్చి 31 వరకు ప్రతి ఆదివారం స్పెషల్ డ్రైవ్ నిర్వహిస్తామని పేర్కొన్నారు. ప్రాపర్టీ ట్యాక్స్ అసెస్ మెంట్, కోర్టు కేసులు, ఇతర సమస్యల పరిష్కరించుకు నేందుకు ఆయా రోజుల్లో ఉదయం 9.30 గంటల నుంచి మధ్యాహ్నం 1 గంట వరకు అందుబాటులో ఉంటామని తెలిపారు. సంబంధిత వ్యక్తులు తమ పరిధిలోని సర్కిల్ ఆఫీసుకు వెళ్లి ప్రాపర్టీ ట్యాక్స్ కి సంబంధించిన సమస్యలను పరిష్కరించుకోవాలని కోరారు. ఈ నెలలో 6, 13, 20, 27 తేదీల్లో ఆదివారం రోజుల్లో, మార్చి 6, 13, 20, 27 తేదీల్లో సమస్యలు పరిష్కరించనున్నట్లు పేర్కొన్నారు.
