రాయపర్తి, వెలుగు: వరంగల్ జిల్లా రాయపర్తి మండలం ఏకే తండాలో శనివారం ఓ చిన్నారిని టీచర్ చితకబాదాడు. తండావాసులు తెలిపిన వివరాల ప్రకారం.. తండాలోని ప్రభుత్వ ప్రైమరీ స్కూల్లో రెండో తరగతి చదువుతున్న హలవత్ శ్రీజను టీచర్ ఆకారపు స్వామి వీపుపై తీవ్రంగా కొట్టడంతో గాయాలయ్యాయి. విషయం తెలుసుకున్న శ్రీజ పేరెంట్స్ సుశీల, చిరంజీవి పాఠశాల ముందు ఆందోళన వ్యక్తం చేశారు.
టీచర్ స్వామి అక్కడి నుంచి వెళ్లిపోయి ఫోన్ స్విచ్ ఆఫ్ చేశారు. స్టూడెంట్స్ పేరెంట్స్, పలువురు తండా వాసులు తీవ్ర ఆగ్రహం వ్యక్తం చేయడంతో టీచర్ కొట్టింది నిజమేనని హెచ్ఎం ధ్రువీకరిస్తూ తగు చర్య తీసుకోవాలని ఎంఈవోకు లెటర్ ద్వారా కంప్లైంట్ చేశారు.