కాశీబుగ్గ, వెలుగు : భద్రకాళీ భద్రేశ్వర కల్యాణ బ్రహ్మోత్సవాల్లో భాగంగా నేడు నిర్వహించే అమ్మవారి రథోత్సవం వేడుకలను విజయవంతం చేయాలని మాజీ మేయర్, పట్టణ ఆర్యవైశ్య సంఘం ప్రెసిండెంట్ గుండా ప్రకాశ్ రావు అన్నారు. మంగళవారం వరంగల్ చౌరస్తాలోని పట్టణ ఆర్యవైశ్య సంఘం భవనంలో ఏర్పాటు చేసిన ప్రెస్ మీట్లో ఆయన మాట్లాడుతూ పట్టణ ఆర్యవైశ్య సంఘం ఆధ్వర్యంలో నిర్వహించే భద్రకాళీ రథోత్సవం
అన్నదానం కార్యక్రమంలో భక్తులు పాల్గొనాలని కోరారు. అనంతరం రథోత్సవం కర పత్రాలను ఆవిష్కరించారు. కార్యక్రమంలో వీరన్న, మల్లయ్య, గోపీనాథ్ తదితరులున్నారు. ఇదిలా ఉండగా, కల్యాణ బ్రహ్మోత్సవాల్లో భాగంగా అమ్మవారిని శేష వాహనంపై ఊరేగింపు నిర్వహించారు. కార్యక్రమంలో పశ్చిమ ఎమ్మెల్యే నాయిని రాజేందర్రెడ్డి, వరంగల్ జడ్పీ చైర్మన్ డాక్టర్ సుధీర్ కుమార్, ఆలయ ఈవో శేషు భారతి, అర్చకులు, భక్తులు పాల్గొన్నారు.
