మహబూబ్ నగర్ స్థానిక సంస్థల ఎమ్మెల్సీ స్థానాన్ని కైవసం చేసుకునేందుకు క్యాండిడేట్లు పెద్ద ఎత్తున ప్రలోభాలకు తెరతీశారు. ఓ పార్టీ క్యాండిడేట్ ఒక్కో ఓటరుకు వన్టైమ్ సెటిల్మెంట్ కింద రూ.4 లక్షలు ముట్టజెప్పినట్టు తెలిసింది. మరో పార్టీ క్యాండిడేట్ రూ.5 లక్షల దాకా ఒప్పుకుని రూ.2.5 లక్షలు మొదట ఇచ్చి, గెలిచాక మిగిలిన మొత్తం ఇస్తానని చెప్పినట్టు సమాచారం.
మరోవైపు బుధవారం రాత్రి బీఆర్ఎస్క్యాంపులో గందరగోళం నెలకొంది. క్యాంపులో ఉన్న కొందరికి పూర్తిస్థాయిలో డబ్బులు రాకపోవడంతో గురువారం ఓట్లు వేసేందుకు రామని మొండికేసినట్టు తెలిసింది. దీంతో ఆ పార్టీ క్యాండిడేట్ వాళ్లను బుజ్జగించేందుకు రెండున్నర తులాల బరువు ఉన్న గోల్డ్ కాయిన్స్ను తెప్పించి పంపిణీ చేసినట్టు ప్రచారం జరుగుతున్నది. ఆ గోల్డ్ కాయిన్స్కు సంబంధించిన ఫొటోలు సోషల్ మీడియాలో వైరల్ అయ్యాయి.
- వెలుగు, మహబూబ్ నగర్
