రంగారెడ్డి జిల్లా బండ్లగూడ జాగిర్ కార్పొరేషన్ లో దొంగలు రెచ్చిపోయారు. బండ్లగూడలోని NFC కాలనీలో నవీన్ అనే వ్యాపారి ఇంటి తాళాలు పగలగొట్టి చోరీకి పాల్పడ్డారు.16 తులాల బంగారం, వెండి ఆభరణాలు, 25 వేల నగదు దోచుకెళ్లారు. కర్ణాటకలోని ఓ గుడికి దైవదర్శనానికి వెళ్లింది నవీన్ కుటుంబం.
అయితే రాత్రి ఇంటికి చేరుకున్ననవీన్..డోర్ ద్వంసం చేసి ఉండడం..వేసిన తాళం పగలగొట్టి ఉండడంతో పోలీసులకు ఫిర్యాదు చేశారు. ఘటనా స్థలానికి చేరుకున్న రాజేంద్రనగర్ పోలీసులు కేసు నమోదు చేసుకొని దర్యాప్తు చేస్తున్నారు.
