పాపన్నపేట/మెదక్, వెలుగు: అన్య మతస్తుడిని ఏడుపాయల దేవాలయ కమిటీ మెంబర్గా ఎలా నియమిస్తారని గోషామహల్ ఎమ్మెల్యే, బీజేపీ శాసనసభా పక్ష నేత రాజాసింగ్ప్రశ్నించారు. ఆదివారం ఆయన మెదక్జిల్లా ఏడుపాయల వనదుర్గామాతను దర్శించుకుని పూజలు చేశారు. అనంతరం మాట్లాడుతూ ఏడుపాయల పవిత్రమైన హిందూ దేవాలయమన్నారు. ప్రభుత్వం ఇటీవల నియమించిన పాలకమండలి డైరెక్టర్లలో కావాలని క్రిస్టియన్వ్యక్తికి అవకాశం కల్పించిందని, ఆయననే చైర్మన్చేయాలని చూస్తోందన్నారు. హిందూ దేవాలయ కమిటీల్లో అందరూ హిందువులే డైరెక్టర్లుగా, చైర్మన్లు గా ఉండేలా చూడాలని ప్రభుత్వానికి సూచించారు. ఎండోమెంట్ మినిస్టర్ ఏడుపాయలకు వచ్చి ఇక్కడ పరిస్థితి పరిశీలించి సమస్యల పరిష్కారానికి చర్యలు తీసుకోవాలన్నారు.
కేసీఆర్ను తరిమికొట్టే టైం వచ్చింది
టీఆర్ఎస్ప్రభుత్వ పాలనతో ప్రజలు విసిగిపోయారని, సీఎం కేసీఆర్ ను తరిమికొట్టే టైం వచ్చిందని రాజాసింగ్ అన్నారు. ఆదివారం మెదక్ లో జరిగిన బీజేపీ జిల్లా కార్యవర్గ సమావేశానికి ఆయన ముఖ్యఅతిథిగా హాజరై మాట్లాడారు. ప్రజలు తరిమి కొడతారనే విషయం అర్థమై కేసీఆర్ఇప్పటి నుంచే రాష్ట్రం బయట ఉండటం అలవాటు చేసుకుంటున్నారని అన్నారు. కేంద్రం నుంచి రాష్ట్రానికి అభివృద్ధి పనుల కోసం లక్షల కోట్ల ఫండ్ వస్తోందని రాజాసింగ్ చెప్పారు. రాష్ట్రంలో నేషనల్ హైవేలు, ఫోర్లైన్రోడ్ల నిర్మాణం కోసం పెద్ద మొత్తంలో ఫండ్స్ వస్తుండగా.. సీఎం కేసీఆర్కేంద్ర ప్రభుత్వానికి ధన్యవాదాలు చెప్పాల్సింది పోయి, కేంద్రం మీద యుద్ధం చేస్తానంటున్నారని మండిపడ్డారు. బీజేపీ మీద సోషల్మీడియాలో చేస్తున్న తప్పుడు ప్రచారాలపై లీడర్లు, కార్యకర్తలు ఎప్పటికప్పుడు గట్టిగా కౌంటర్ఇవ్వాలని సూచించారు. కార్యక్రమంలో బీజేపీ జిల్లా అధ్యక్షుడు గడ్డం శ్రీనివాస్, ప్రధాన కార్యదర్శి సుధాకర్రెడ్డి, జిల్లా ఇన్చార్జి మల్లారెడ్డి, మాజీ జడ్పీ చైర్మన్బాలయ్య తదితరులు పాల్గొన్నారు.
