ప్రభుత్వం కీలక హెచ్చరిక.. నాలుగేళ్ల లోపు పిల్లలకు ఈ మందులు వాడొద్దు

చిన్నారులకు వాడే మందులపై ప్రభుత్వం కీలక ప్రకటన చేసింది. క్లోర్ ఫెనిరమైన్ మలేట్ అండ్ ఫినైల్ఫైన్ హైడ్రోక్లోరైడ్ కలిగిన అన్ని ఫిక్స్డ్ డోస్ కాంబినేషన్ల తయారీ, అమ్మకం, పంపిణీపై ఆంక్షలు విధించింది. అంతేకాదు.. ఈ మందులను నాలుగు సంవత్సరాల కంటే తక్కువ వయసు ఉన్న పిల్లలకు వాడొద్దని ప్రభుత్వం హెచ్చరించింది. చిన్నారుల ఆరోగ్య భద్రతను దృష్టిలో ఉంచుకుని ఈ నిర్ణయం తీసుకున్నట్లు ప్రభుత్వం తెలిపింది.

ఆరోగ్య మంత్రిత్వ శాఖ విడుదల చేసిన ఈ ప్రకటనలో.. ఈ ఫార్ములేషన్లకు సంబంధించిన లేబుల్, ప్యాకేజీ ఇన్సర్ట్, ప్రచార ప్రకటనలపై, “నాలుగేళ్ల లోపు పిల్లలకు క్లోర్ ఫెనిరమైన్ మలేట్ అండ్ ఫినైల్ఫైన్ హైడ్రోక్లోరైడ్ ఫిక్డ్స్ డోస్ కాంబినేషన్ ఉపయోగించరాదు” అనే హెచ్చరిక స్పష్టంగా ఉండాలని ప్రభుత్వం ఈ కాంబినేషన్ మెడిసిన్ తయారుచేసే ఫార్మా సంస్థలను ఆదేశించింది.

➔ Government Restricts Manufacture, Sale and Distribution of Fixed Dose Combinations Containing Chlorpheniramine Maleate and Phenylephrine Hydrochloride for use in children below four years.

➔ The decision has been taken following the recommendations of an Expert Committee and… pic.twitter.com/NxVD981zyi

— PIB India (@PIB_India) August 22, 2026

ఇటువంటి కాంబినేషన్ మందులు నాలుగేళ్ల లోపు పిల్లలకు వాడటం ప్రమాదమని, వీటికి బదులుగా సురక్షితమైన ప్రత్యామ్నాయాలు అందుబాటులో ఉన్నాయని ప్రభుత్వం స్పష్టం చేసింది. 2026 జూన్‌లో.. ఆరోగ్య, కుటుంబ సంక్షేమ మంత్రిత్వ శాఖ దేశవ్యాప్తంగా 16 ఫిక్స్‌డ్-డోస్ కాంబినేషన్ (FDC) మందుల తయారీ, అమ్మకం, పంపిణీని నిషేధించిన సంగతి తెలిసిందే. నిపుణుల కమిటీ, ఔషధ సాంకేతిక సలహా మండలి సిఫార్సుల మేరకు ఈ నిర్ణయం తీసుకోవడం జరిగిందని ప్రభుత్వం తెలిపింది.

ALSO READ : KPHBలో CDM దగ్గర రిటైర్డ్ టీచర్‌ ను మోసం చేసి...

దేశీయంగా లభించే 16 రకాల ఫిక్స్డ్ -డోస్ కాంబినేషన్ (ఎఫ్డీసీ) ఔషధాల (రెండు లేదా అంతకంటే ఎక్కువ మందుల మిశ్రమం) పై కేంద్ర ఆరోగ్య మంత్రిత్వ శాఖ నిషేధం విధించింది. ఈ కాంబినేషన్ల వాడకానికి ఎటువంటి వైద్యపరమైన సైంటిఫిక్ ఆధారాలు లేవని, వీటితో ప్రయోజనం కంటే రిస్క్ ఎక్కువని నిపుణుల కమిటీ తేల్చడంతో ప్రభుత్వం ఈ నిర్ణయం తీసుకుంది. డ్రగ్స్ అండ్ కాస్మెటిక్స్ యాక్ట్, 1940 లోని సెక్షన్ 26ఏ కింద ఈ నిషేధాన్ని విధిస్తూ నోటిఫికేషన్ జారీ చేసింది.

నిషేధించిన ముఖ్యమైన మందులు
యాంటీబయాటిక్స్, నొప్పి నివారణ మందులు: అమోక్సిసిలిన్ + సెరాటియోపెప్టిడేస్ మిశ్రమం, అమోక్సిసిలిన్ + క్లోక్సాసిలిన్; పారాసిటమాల్ + లిగ్నోకైన్; డైసైక్లోమైన్ + పారాసిటమాల్ + క్లిడినియం బ్రోమైడ్ వంటి కాంబినేషన్లు.