- 200 బెడ్లతో సూపర్ స్పెషాలిటీ హాస్పిటల్
- కాంగ్రెస్ మేనిఫెస్టో కమిటీకి ఆకునూరి మురళి ప్రతిపాదన
- వ్యవసాయ కమిషన్, అవినీతి నిర్మూలన కమిషన్ ఏర్పాటుకు విజ్ఞప్తి
హైదరాబాద్, వెలుగు : మేనిఫెస్టోలో చేర్చాల్సిన అంశా లపై కాంగ్రెస్ పార్టీ మేనిఫెస్టో కమిటీ బుధవారం సమా వేశమైంది. గాంధీభవన్లో కమిటీ చైర్మన్ శ్రీధర్ బా బు అధ్యక్షతన జరిగిన ఈ సమావేశంలో సీఎల్పీ నేత భట్టి విక్రమార్క, సీడబ్ల్యూసీ శాశ్వత ఆహ్వానితుడు దామోదర రాజనర్సింహ తదితరులు పాల్గొన్నారు. సమావేశంలో సోషల్ డెమొక్రటిక్ ఫోరం కన్వీనర్, రిటైర్డ్ ఐఏఎస్ అధికారి ఆకునూరి మురళి కాంగ్రెస్ మేనిఫెస్టోలో పెట్టాల్సిన అంశాలపై పలు ప్రతిపాదనలను సూచించారు.
విద్య, వైద్యం, అవినీతి నిర్మూలన, వ్యవసాయం వంటి విషయాలపై ఆయన సూచనలను చేశారు. దానికి సంబంధించిన నివేదికలను ఆయనకాంగ్రెస్ మేనిఫెస్టో కమిటీకి అందజేశారు. ప్రతి మండలానికీ సీఎం మనవడు చదువుతున్న ఓక్రిడ్జ్ లాంటి స్కూల్ను నిర్మించాలన్న ప్రతిపాదనను కాంగ్రెస్ నేతలకు మురళి వివరించారు. మండలానికో 200 బెడ్ల సూపర్ స్పెషాలిటీ హాస్పిటల్ పెట్టాల్సిందిగా సూచించారు. 40 లక్షల మందికి ఉద్యోగాలిచ్చేలా ప్రణాళికలను రూపొందించాలన్నారు.
ALSO READ: బీజేపీ టికెట్ కోసం పోటాపోటీ.. బరిలో దిగేందుకు లీడర్ల ఆసక్తి
రైతుల మేలు కోసం వ్యవసాయ కమిషన్ను ఏర్పాటు చేయాలని సూచించారు. వాటితో పాటు పూర్తిగా అవినీతి నిర్మూలనకు చర్యలు తీసుకోవాలని సూచించారు. కాగా, కరీంనగర్లో ఎయిర్పోర్టును నిర్మిస్తామన్న హామీనీ మేనిఫెస్టోలో చేర్చాల్సిందిగా పీసీసీ అధికార ప్రతినిధి కొణగాల మహేశ్ కోరారు.
