లింగంపేట, వెలుగు: పెండ్లి శుభలేఖలు పంచి వచ్చిన రోజు నుంచి కనిపించకుండా పోయిన వరుడు సరిగ్గా పెండ్లి రోజే శవమై తేలాడు. కుటుంబ సభ్యులు, పోలీసులు తెలిపిన వివరాల ప్రకారం.. కామారెడ్డి జిల్లా సదాశివనగర్మండలం అడ్లూర్ఎల్లారెడ్డి గ్రామానికి చెందిన మోసర్ల రాజేందర్(25) స్థానికంగా ప్రైవేట్ జాబ్ చేస్తున్నాడు. ఇతనికి రెండు నెలల కింద నిజామాబాద్ జిల్లాకు చెందిన యువతితో పెండ్లి ఫిక్స్ అయింది. ఈ నెల 7న(గురువారం) వివాహం జరగాల్సి ఉంది. కుటుంబ సభ్యులంతా పెండ్లి పనుల్లో నిమగ్నమై శుభలేఖలు ప్రింట్చేయించారు.
ఈ నెల 3వ తేదీన తన అన్న శ్యామ్తో కలిసి రాజేందర్ బంధువులకు వాటిని పంచి వచ్చారు. అదేరోజు సాయంత్రం బైక్ పై ఊర్లోకి వెళ్లొస్తానని చెప్పి బయలుదేరిన రాజేందర్ అర్ధరాత్రికి కూడా తిరిగి రాలేదు. ఆందోళన చెందిన కుటుంబ సభ్యులు సదాశివనగర్ పోలీస్స్టేషన్లో ఫిర్యాదు చేయగా, పోలీసులు మిస్సింగ్ కేసు నమోదు చేసి దర్యాప్తు చేపట్టారు.
గురువారం లింగంపేట మండలం ముస్తాపూర్శివారులోని కొత్తచెరువు కట్ట కింద ఉన్న చెట్టుకు కుళ్లిపోయిన స్థితిలో ఓ శవం వేలాడుతున్నట్లు స్థానికుల నుంచి సమాచారం అందడంతో పోలీసులు వెళ్లి చూశారు. అక్కడి ఆనవాళ్ల ప్రకారం మృతుడు రాజేందర్ గా గుర్తించారు. ఘటనా స్థలంలోనే పోస్టుమార్టం నిర్వహించి మృతదేహన్ని కుటుంబ సభ్యులకు అప్పగించినట్లు ఏఎస్సై ప్రకాశ్జాదవ్ తెలిపారు. రాజేందర్ ఆత్మహత్యకు గల కారణాలు తెలియాల్సి ఉంది.
