హైదరాబాద్, వెలుగు: గ్రూప్1 అప్లికేషన్లు 2 లక్షలు దాటాయి. మంగళవారం రాత్రి వరకు 2,00,428 మంది దరఖాస్తు చేశారు. ఈ నెల31 వరకు అప్లయ్‌ చేసేందుకు అవకాశముంది. గ్రూప్1లోని యూనిఫామ్ పోస్టులకు హైట్ తగ్గింపు, ఏజ్ లిమిట్ పెంపుపై ప్రభుత్వం ఇటీవలే ఉత్తర్వులిచ్చింది. దీంతో ఈ వారం రోజుల్లో లక్షన్నర నుంచి రెండు లక్షల దాకా దరఖాస్తులు రావచ్చని టీఎస్పీఎస్సీ అధికారులు అంచనా వేస్తున్నారు. టీఎస్పీఎస్సీ ఓటీఆర్ అప్డేట్ చేసుకునేందుకు అభ్యర్థులు ఆసక్తి చూపించట్లేదు. మొత్తం 25 లక్షల మంది రిజిస్టర్ చేసుకోగా, వారిలో మంగళవారం నాటికి 2,90,079 అప్డేట్ చేసుకున్నారు. కొత్తగా 1,39,709 మంది ఓటీఆర్ రిజిస్టర్ చేసుకున్నారు. దరఖాస్తు సమయంలోనే అభ్యర్థుల బోనఫైడ్ సర్టిఫికెట్లనుతర్వాత అయినా అప్లోడ్ చేయొచ్చని అధికారులు సూచిస్తున్నారు.
