హైదరాబాద్ సిటీలో రాత్రి భారీ వర్షం పడింది. అర్ధరాత్రి తర్వాత మొదలైన వాన తెల్లవారుజాము వరకు నాన్ స్టాప్ గా కురిసింది. సిటీలోని ఏఎస్ రావు నగర్ లో అత్యధికంగా 11 సెంటీమీటర్ల వర్షపాతం నమోదైంది. చర్లపల్లి, బండ్లగూడలో 9 సెంటీమీటర్లు, రాజేంద్రనగర్ లో 8 , సరూర్ నగర్ లో 7, ఎల్బీనగర్లో 6, లింగోజిగూడ లో 5, రామంతపూర్ , శివరాంపల్లి, హయత్ నగర్ లో 5 సెంటీమీటర్లు, మల్కాజ్ గిరి, బాలానగర్లో 4 , సీతాఫల్ మండిలో 3.7 సెంటీమీటర్లు, అత్తాపూర్, మెట్టుగూడ, జియగూడలో 3 సెంటీమీటర్లు, అంబర్ పేట్ లో 2.8, సికింద్రాబాద్ మోండా మార్కెట్ లో 2 సెంటీమీటర్ల వర్షం పడింది.
మరోవైపు బంగాళాఖాతంలో ఏర్పడిన అల్పపీడనం బలపడినట్టు వాతావరణ శాఖ అధికారులు తెలిపారు. దీనికి అనుబంధంగా ఉన్న ఉపరితల ద్రోణి కోస్తాంధ్ర తీరం వరకు కొనసాగుతోంది. ఈ ప్రభావంతో ఇవాళ రాష్ట్రంలోని ఉమ్మడి ఆదిలాబాద్, నిజామాబాద్, వికారాబాద్, సంగారెడ్డి, మెదక్, కామారెడ్డి, మహబూబాబాద్, నాగర్ కర్నూలు జిల్లాలో భారీ వర్షాలు కురిసే అవకాశం ఉందని హైదరాబాద్ వాతావరణశాఖ తెలిపింది. మరో 3 రోజుల పాటు రాష్ట్రంలో వర్షాలు కురిసే చాన్స్ ఉందని పేర్కొంది.
