గ్రేటర్లోని పలు ప్రాంతాల్లో మంగళవారం భారీ వర్షం కురిసింది. మధ్యాహ్నం 3 గంటలకు ఉరుములు, మెరుపులతో మొదలై దంచికొట్టింది. అత్యధికంగా సరూర్నగర్లో 5.9 సెంటీ మీటర్ల వాన పడింది. ముందురోజు కురిసిన వాన నీళ్లను క్లియర్ చేయక ముందే మరోసారి దంచికొట్టడంతో ఎక్కడికక్కడ మోకాలి లోతు నీరు నిలిచింది. బేగంపేట, పంజాగుట్ట, లిబర్టీ, హిమాయత్నగర్, మెహిదీపట్నం, రేతిబౌలి, చాంద్రాయణగుట్ట, ఎల్బీనగర్, మలక్పేట, కోఠి, ఖైరతాబాద్ ప్రాంతాల్లో భారీగా ట్రాఫిక్ జామ్ అయ్యింది. నాంపల్లి కట్టెల మండిలోని తన ఇల్లు కూలిందని, డ్రైనేజీ సమస్యతో ఇబ్బందులు పడుతున్నామని బాధితులు ట్విట్టర్లో జీహెచ్ఎంసీ అధికారులకు మొరపెట్టుకున్నారు.
– హైదరాబాద్/శంషాబాద్/వికారాబాద్/ఎల్బీనగర్, వెలుగు
