వరుణ్ తేజ్ హీరోగా మేర్లపాక గాంధీ దర్శకత్వంలో ఓ చిత్రం తెరకెక్కుతోన్న సంగతి తెలిసిందే. ఇప్పటికే ఇండియాతో పాటు విదేశాల్లో మూడు మేజర్ షెడ్యూల్స్ కంప్లీట్ చేసిన టీమ్.. తాజాగా మ్యూజిక్ సిట్టింగ్స్‌‌లో బిజీ అయ్యింది. ప్రస్తుతం మ్యూజిక్ డైరెక్టర్‌ తమన్‌‌తో విదేశాల్లో కంపోజింగ్ సెషన్స్ జరుగుతున్నాయి. ఆల్రెడీ రెండు ఎనర్జిటిక్ సాంగ్స్ కంప్లీట్ చేశారు. ఈ పాటలు సినిమాకే హైలైట్‌‌గా నిలవనున్నాయని, వరుణ్, తమన్ కాంబోలో ‘తొలిప్రేమ’ తర్వాత రాబోతున్న ఈ మూవీ ఆల్బమ్ ప్రేక్షకులను ఆకట్టుకుంటుందని మేకర్స్ తెలియజేశారు.
త్వరలోనే టైటిల్‌ అనౌన్స్‌ చేయడంతోపాటు మూవీ గ్లింప్స్‌‌ను రిలీజ్ చేయనున్నట్టు చెప్పారు. వరుణ్ తేజ్ కెరీర్‌‌‌‌లో ఇది 15వ సినిమా కాగా, రితికా నాయక్ హీరోయిన్‌‌గా నటిస్తోంది. సత్య కీలక పాత్ర పోషిస్తున్నాడు. యూవీ క్రియేషన్స్, ఫస్ట్ ఫ్రేమ్ ఎంటర్‌‌‌‌టైన్‌‌మెంట్స్ సంస్థలు కలిసి నిర్మిస్తున్నాయి. కొరియన్‌ హారర్ డ్రామాగా రూపొందుతోన్న ఈ చిత్రానికి ‘కొరియన్‌ కనకరాజు’ అనే టైటిల్‌‌ను పరిశీలిస్తున్నారు.
