టీఎస్పీఎస్సీ క్వశ్చన్ పేపర్ లీక్ పై హైకోర్టు.. విచారణను ఏప్రిల్ 11కు వాయిదా వేసింది. ఇవాళ పేపర్ లీకేజీ కేసుకు సంబంధించి హైకోర్టులో విచారణ జరిగింది. పేపర్ లీక్ లో నిందితులను ఇప్పటికే సిట్ విచారిస్తోంది. ఈ క్రమంలో ఇవాళ జరిగిన హైకోర్టు విచారణలో ప్రభుత్వం తరుపు న్యాయవాది సిట్ నివేదికను సమర్పించేందుకు సమయం కోరారు. ఈ నేపథ్యంలో రిపోర్ట్ సమర్పించేందుకు ప్రభుత్వం తరుపు న్యాయవాది ఏజీ జీఎస్ ప్రసాద్ కు హైకోర్టు 3 వారాల టైం ఇచ్చింది. తర్వాత సిట్ స్టేటస్ రిపోర్ట్ ను తమకు ఇవ్వాలని హైకోర్ట్ న్యాయవాదులను ఆదేశించింది.
ఈ విచారణలో పిటిషనర్ తరుపు న్యాయవాది వివేక్ ధన్కా, ప్రభుత్వం తరుపు న్యాయవాది ఏజీ బీఎస్ ప్రసాద్ హైకోర్ట్ లో తమ వాదనని వినిపించారు. ఒకే మండలంలో 20 మందికి మంచి మార్కులు వచ్చాయని, దీనిపై అనుమానాలు కోర్ట్ దృష్టికి తీసుకెళ్లారు.
