-
పనులను పరిశీలించిన కేంద్రమంత్రి కిషన్ రెడ్డి
హైదరాబాద్సిటీ, వెలుగు: హైటెక్సిటీ రైల్వే స్టేషన్ను మొదటి దశలో రూ.25.93 కోట్లతో అభివృద్ధి చేస్తున్నామని కేంద్ర మంత్రి కిషన్రెడ్డి తెలిపారు. రెండో దశలో పాత భవన పునరుద్ధరణకు రూ.10 కోట్లు ఖర్చు చేస్తామన్నారు. శుక్రవారం ఈ స్టేషన్ను ఆయన సందర్శించి పనులను పరిశీలించారు.
అనంతరం మీడియాతో మాట్లాడుతూ.. నిత్యం ఇక్కడి నుంచి సికింద్రాబాద్, హైదరాబాద్, ఉమ్దానగర్, ఫలక్‌‌‌‌‌‌‌‌‌‌‌‌‌‌‌‌నుమా, మేడ్చల్, ఘట్కేసర్కు దాదాపు 62 సబ్ అర్బన్ రైళ్లు తిరుగుతున్నాయన్నారు. స్టేషన్కు రోజుకూ 5,400 మంది ప్రయాణికులకు వస్తున్నారని, ఈ సంఖ్య మరింత పెరిగే అవకాశం ఉందన్నారు. ఈ క్రమంలో స్టేషన్ పునరాభివృద్ధిలో భాగంగా 12 మీటర్ల ఫుట్‌ ఓవర్ బ్రిడ్జి, 2 లిఫ్టులు, 2 ఎస్కలేటర్లు, వెయిటింగ్ హాల్, అదనపు టికెట్ కౌంటర్లు, ప్లాట్ఫామ్ కవరింగ్, దివ్యాంగులకు సౌకర్యాలు కల్పిస్తున్నామని తెలిపారు.
కాచిగూడ రైల్వే స్టేషన్ పునరాభివృద్ధి ప్రణాళిక ఆమోద దశలో ఉందని చెప్పారు. హైదరాబాద్ పట్టణ ప్రాంతంలోని హఫీజ్పేట, హైటెక్ సిటీ, మలక్పేట వివిధ రైల్వే స్టేషన్లను కూడా పునరాభివృద్ధి చేస్తున్నామని, వచ్చే ఏడాది వరకు ఈ పనులు పూర్తి చేయాలని లక్ష్యంగా పెట్టుకున్నామన్నారు. ఆయన వెంట చేవెళ్ల ఎంపీ కొండా విశ్వేశ్వర్ రెడ్డి, దక్షిణ మధ్య రైల్వే జీఎం సంజయ్ కుమార్ శ్రీవాస్తవ, సికింద్రాబాద్ డివిజన్ డీఆర్ఎం డాక్టర్ ఆర్. గోపాలకృష్ణన్, రైల్వే చీఫ్ అడ్మినిస్ట్రేటివ్ ఆఫీసర్ సందీప్ జైన్, రైల్వే ముఖ్య ప్రజా సంబంధాల అధికారి ఎ. శ్రీధర్ ఉన్నారు.
