- 8 కి.మీ.కు ఒక రేడియల్ రోడ్డు నిర్మాణానికి ప్రతిపాదన
- ఓఆర్ఆర్ నుంచి ట్రిపుల్ఆర్కు లింక్
- సిటీ నుంచి నేరుగా ఓఆర్ఆర్కు వెళ్లేందుకు మరికొన్ని రోడ్లు
హైదరాబాద్సిటీ, వెలుగు : మహానగరంలో ప్రభుత్వం ప్రతిష్టాత్మకంగా నిర్మించతలపెట్టిన రీజినల్రింగ్రోడ్(ట్రిపుల్ఆర్)ను కనెక్ట్చేసేందుకు భారీ సంఖ్యలో రేడియల్రోడ్ల నిర్మాణానికి హెచ్ఎండీఏ ప్రపోజల్స్సిద్ధం చేసింది. వీటి ద్వారా నగరం చుట్టూ నిర్మించిన ఔటర్రింగ్రోడ్(ఓఆర్ఆర్) నుంచి నేరుగా ట్రిపుల్ఆర్కు అనుసంధానించనున్నారు. ఇప్పటికే రావిర్యాల నుంచి ఆమన్గల్వరకూ ఒక రేడియల్రోడ్నిర్మాణాన్ని ప్రారంభించిన అధికారులు త్వరలో మరికొన్నింటిని నిర్మించనున్నారు. తాజాగా హెచ్ఎండీఏ ఓఆర్ఆర్ నుంచి ట్రిపుల్ఆర్వరకు ప్రతి ఏడు నుంచి 8 కి.మీ.కు ఒక రేడియల్రోడ్నిర్మించాలని ప్రతిపాదించింది. ఓఆర్ఆర్158 కి.మీ.
పరిధిలో ఈ రేడియల్రోడ్లను నిర్మించి ట్రిపుల్ఆర్కు లింక్చేస్తారు. భవిష్యత్తులో ఓఆర్ఆర్, ట్రిపుల్ఆర్ప్రాంతాలు కీలకం కానున్న నేపథ్యంలో ఈ రెండు రోడ్ల మధ్య పలు భారీ ప్రాజెక్టులు రానున్నాయి. ఓఆర్ఆర్మీదుగా11 నేషనల్హైవేస్కూడా వెళ్తున్నాయి. వీటితో పాటు ఓఆర్ఆర్చుట్టూ రేడియల్రోడ్ల నిర్మాణం కూడా జరిగితే అక్కడి ప్రాంతాలు భారీగా అభివృద్ధి చెందే అవకాశం ఉంటుంది.
నేరుగా ఓఆర్ఆర్కు
నగరం నుంచి నేరుగా ఓఆర్ఆర్ మీదకు చేరుకునేలా మరికొన్ని రోడ్లను అభివృద్ధి చేయాలని హెచ్ఎండీఏ నిర్ణయించింది. దీనికి సంబంధించిన డీపీఆర్కూడా అధికారులు రెడీ చేస్తున్నారు. ఇందులో షేక్పేట నుంచి మణికొండ, మైహోమ్అవతార్, ఎంజీఐటీ వరకు 7 కి.మీ. రోడ్డును అభివృద్ధి చేయనున్నారు. నానక్రామ్గూడ నుంచి ఓఆర్ఆర్కు మరో రెండు లేన్ల రోడ్నిర్మించనున్నారు. బంజారాహిల్స్ నుంచి ఫిలింనగర్ మీదుగా శిల్పాలేఔట్ వరకు 9 కి.మీ. ఎలివేటెడ్ కారిడార్ను ఓఆర్ఆర్కు అనుసంధానం చేయనున్నారు. ఈ డీపీఆర్ ఇప్పటికే రెడీ అయ్యింది.
వీటితో పాటు ఓఆర్ఆర్టు ట్రిపుల్ఆర్వరకూ అన్ని వైపుల నుంచి రోడ్లను అనుసంధానం చేసేందుకు ప్లాన్లు రూపొందించారు. శంషాబాద్వద్ద వర్ధమాన్కాలేజీ నుంచి లగచర్ల వరకు రోడ్డు అభివృద్ధి చేయనున్నట్టు అధికారులు తెలిపారు. దశల వారీగా మరికొన్ని రోడ్లను సిటీ నుంచి ఓఆర్ఆర్కు..అక్కడి నుంచి ట్రిపుల్ఆర్వరకు విస్తరించేందుకు ఆలోచన చేస్తున్నారు. దీంతో భవిష్యత్లో నగరం నుంచి ఎక్కడి నుంచైనా నేరుగా ట్రిపుల్ఆర్వరకు ప్రయాణం చేసే అవకాశం ఉంటుందని అధికారులు చెప్తున్నారు.
