హైదరాబాద్, వెలుగు: రాష్ట్రంలోని అన్ని విద్యాసంస్థలకు ఈ నెల 8 నుంచి 16 వరకు హాలిడేస్ ఇవ్వాలని అధికారులను సీఎం కేసీఆర్ ఆదేశించారు. కరోనా కేసులు పెరుగుతున్నందున ఈ నిర్ణయం తీసుకున్నట్టు అధికారులు చెప్తున్నారు. సోమవారం ప్రగతిభవన్లో హెల్త్ మినిస్టర్ హరీశ్రావు, మెడికల్ ఆఫీసర్లతో కరోనా వ్యాప్తిపై రివ్యూ నిర్వహించిన సీఎం.. శనివారం నుంచి సెలవులు ఇవ్వాలని ఆదేశించారు.
వాస్తవానికి ఈ నెల 11 నుంచి స్కూళ్లకు, 13 నుంచి జూనియర్ కాలేజీలకు సంక్రాంతి సెలవులు ఇవ్వాల్సి ఉంది. ఈ హాలిడేస్ను మూడు రోజులు ముందుకు జరిపారు. ట్రాన్స్ఫర్లు, పోస్టింగ్ విషయంలో ఆందోళన చేస్తున్న టీచర్లను కట్టడి చేసేందుకు సీఎం కేసీఆర్ సెలవుల ఎత్తుగడ వేశారని టీచర్లు ఆరోపిస్తున్నారు. ఇందులో భాగంగానే సెలవులను ముందుకు జరిపారని అన్నారు. జిల్లాలు మారిన టీచర్లకు ఒకట్రెండు రోజుల్లో కొత్త పోస్టింగులు ఇవ్వనుండగా.. ఆ రెండు, మూడు రోజుల్లో కొత్త పోస్టింగుల్లో టీచర్లు చేరాల్సి ఉంటుంది. స్కూళ్లలో జాయిన్ కాకుండా టీచర్లు ఆందోళనలు మరింత ఉధృతం చేస్తారనే ఉద్ధేశంతోనే సీఎం సెలవులు ప్రకటించారని టీచర్ల సంఘాలు ఆరోపిస్తున్నాయి.
