ఇంట్లోనే తయారు చేసుకునే నేచురల్ టోనర్స్

ఇంట్లోనే తయారు చేసుకునే నేచురల్ టోనర్స్

టోనర్.. చర్మాన్ని మాయిశ్చరైజ్ చేస్తుంది​. రోజంతా హైడ్రేటెడ్​గా ఉంచుతుంది. డెడ్​ స్కిన్​ సెల్స్​ని తగ్గిస్తుంది. ముఖ చర్మం మీద పోర్స్​ రాకుండా ​కాపాడుతుంది. అన్నింటికన్నా ముఖ్యంగా చర్మంపై పేరుకుపోయిన దుమ్ము, ధూళిని తొలగిస్తుంది. ఇదంతా ఓకే కానీ... వాటిలో ఉండే కెమికల్స్​ చర్మానికి అంతకు పదింతలు హాని చేస్తాయి. అందుకే నేచురల్​ టోనర్సే వాడాలి. వాటిని ఇంట్లోనే తయారుచేసుకోవచ్చు... 

  •   యాపిల్​ సిడార్ వెనిగర్​ని మించిన బెస్ట్​ టోనర్​ మరొకటి లేదు. ఒక టేబుల్​ స్పూన్ యాపిల్​ సిడార్​ వెనిగర్​ని ఒక కప్పు నీళ్లలో కలపాలి. అందులో దూదిని వేసి ఐదునిమిషాలు ఉంచాలి. తరువాత ఆ దూదితో ముఖాన్ని తుడిస్తే చర్మం మీద ఉన్న​ పీహెచ్, బ్యాలెన్స్​ అవుతుంది. చర్మంపై మచ్చలకి కారణమయ్యే బ్యాక్టీరియా పోతుంది. మేకప్​ పార్టికల్స్ కూడా పూర్తిగా పోతాయి. 
  •   కీరదోసని మిక్సీ పట్టాలి. ఆ గుజ్జుని పొడి క్లాత్​లో వేసి రసం పిండాలి. ఆ జ్యూస్​ని దూదితో ముఖానికి రాసి పావుగంట తర్వాత కడగాలి. ఇలా వారానికి మూడుసార్లు చేస్తే  చర్మం శుభ్రం అవుతుంది. యాక్నెకి దారితీసే సీబమ్​ ఉత్పత్తి కూడా తగ్గుతుంది. 
  •   అరకప్పు కలబంద గుజ్జులో అరకప్పు రోజ్​ వాటర్​ కలిపి దూదితో ముఖానికి పట్టిస్తే చర్మం హైడ్రేట్​ అవుతుంది. చర్మంపై దద్దుర్లు ఉంటే తగ్గుతాయి.