టర్కీ, సిరియాలో వచ్చిన భూకంపం వల్ల నిమిషానికో వార్త వినాల్సి వస్తుంది. ఇప్పటికే భూకంపం దాటికి అక్కడ 24వేలకుపైగా మంది చనిపోగా.. మృతుల సంఖ్య మరింత పెరిగే అవకాశం ఉందని నిపుణులు చెబుతున్నారు. అయితే ఫిబ్రవరి 6న చోటు చేసుకున్న ఈ ఘటనకు సంబంధించి తాజాగా ఓ వీడియో బయటికొచ్చింది. ఈ వీడియోలో ఇద్దరు నర్సులు ఇంటెన్సివ్ కేర్ యూనిట్‌లోని శిశువులను కింద పడకుండా ఇంక్యుబేటర్‌లను గట్టిగా పట్టుకున్నారు. తమ ప్రాణాలకు అపాయం ఉందని తెలిసినా వారు ఆ చిన్నారులను కాపాడడానికే నిర్ణయించుకున్నారు. గజియాంటెప్‌లోని ఓ ఆస్పత్రి సీసీటీవీ కెమెరాలో రికార్డైన ఈ దృశ్యాలు ప్రస్తుతం సోషల్ మీడియాలో వైరల్ గా మారాయి. దీంతో నర్సులను నెటిజన్లు ప్రశంసిస్తున్నారు. కాగా టర్కీలో ఇప్పటివరకు 24,617 మంది మరణించారు. ఇది 1939 తర్వాత దేశంలో సంభవించిన అత్యంత భయంకరమైన భూకంపమని నిపుణులు చెబుతున్నారు.
