భద్రాద్రికొత్తగూడెం, వెలుగు: ఈనెల 30,31తేదీల్లో నిర్వహించే శ్రీరామ నవమి, పట్టాభిషేక మహోత్సవాలకు పటిష్ట బందోబస్తు ఏర్పాటు చేస్తున్నామని ఎస్పీ డాక్టర్వినీత్తెలిపారు. కొత్తగూడెంలోని ఎస్పీ ఆఫీస్లో శుక్రవారం పోలీస్ అధికారులతో ఆయన మాట్లాడారు. వేడుకలకు పెద్ద ఎత్తున భక్తులు, వీఐపీలు వచ్చే అవకాశం ఉందన్నారు. అసౌకర్యం కలుగకుండా చర్యలు తీసుకోవాలన్నారు. భద్రాచలానికి వచ్చే రహదారుల్లో ట్రాఫిక్ సమస్య లేకుండా చూడాలన్నారు. బందోబస్తులో నిర్లక్ష్యం చేస్తే సహించేంది లేదన్నారు. పెండింగ్కేసుల వివరాలపై చర్చించారు. అసాంఘిక కార్యకలాపాలకు పాల్పడేవారిపై ప్రత్యేక నిఘా ఏర్పాటు చేయాలన్నారు. తమ పొలీస్ స్టేషన్ల పరిధిలోని ప్రతి ప్రాంతాన్ని పొలీస్అధికారులు సందర్శించారు. సమావేశంలో అడిషనల్ ఎస్పీ ఆపరేషన్స్ టి. సాయి మనోహర్, ఏఆర్అడిషనల్ఎస్పీ విజయ్ బాబు, భద్రాచలం ఏఎస్పీ పంకజ్పరితోశ్, డీఎస్పీ రమణ మూర్తి, రాఘవేంద్రరావు, రెహమాన్, నందిరామ్, సీఐలు, ఎస్సైలు పాల్గొన్నారు.
