- సిటీలో కేటుగాళ్ల మాయ
- సీసీటీవీలో రికార్డయిన ఘటన
కుషాయిగూడ, వెలుగు : కుషాయిగూడ పోలీస్ స్టేషన్ పరిధిలోని చక్రీపురంలో ఇద్దరు దొంగలు తమ బైక్పడిపోతున్నట్టు నటించి...హెల్ప్చేయడానికి వచ్చిన వ్యక్తి నుంచి రెండు మొబైల్స్కొట్టేశారు. చక్రీపురానికి చెందిన నారాయణ తన బైక్పై అపార్ట్‌‌‌‌మెంట్‌‌‌‌లోకి వెళ్తుండగా ఇద్దరు గుర్తుతెలియని వ్యక్తులు అతడి జేబులో రెండు ఫోన్లు ఉండడాన్ని గుర్తించారు. అతడి వెంటే బైక్పై వెళ్లారు.
అతడు లోపల టూ వీలర్పార్క్చేస్తుండగా..అతడి అపార్ట్మెంట్ముందుకు వెళ్లారు. అందులో ఒకరు కొంతదూరంలో దిగిపోగా, మరో వ్యక్తి తన బైక్ను పక్కకు వంచి ఎక్స్లేటర్రేస్చేశాడు. ఏదో సౌండ్ వచ్చిందని నారాయణ బయటకు వచ్చే సరికి ఆ వ్యక్తి బండి పైకి లేపడానికి ట్రై చేస్తున్నాడు. దీంతో నారాయణ హెల్ప్చేయడానికి బైక్దగ్గరకు రాగా, కొంతదూరంలో ఉన్న మరో వ్యక్తి కూడా వచ్చి అతడితో పాటు బైక్ పైకి లేపుతున్నట్టు నటించి క్షణాల్లో అతడి జేబులోని రెండు ఫోన్లు మాయం చేశాడు. వెంటనే థాంక్స్చెప్పి అక్కడి నుంచి జారుకున్నారు.
నారాయణ అపార్ట్మెంట్లోపలకు వస్తూ తన జేబులోని ఫోన్లు మాయం కావడాన్ని గమనించాడు. వెంటనే వెళ్తున్న వారిని చప్పట్లు కొట్టి పిలిచినా వారు ఆగలేదు. చోరీకి గురైన రెండు ఫోన్ల విలువ రూ.లక్ష ఉంటుందని తెలిపాడు. పుణ్యానికి పోతే పాపం ఎదురైందని ఆవేదన వ్యక్తం చేశాడు. ఈ ఘటన సమీపంలోని సీసీటీవీ కెమెరాల్లో రికార్డయింది.
